Translation tool beta version. Translation quality may be not a good
| საზოგადოება: პატრიარქია: საქართველოს პარლამენტის მიერ მიღებული კანონი ეკლესიისა და ქვეყნის ინტერესებს ეწინააღმდეგება |  | Georgian News | |
 პარლამენტის მიერ მიღებული კანონი საქართველოში რიგი მოქმედი რელიგიური გაერთიანებებისათვის საჯარო სამართლის იურიდიული პირის სტატუსის მინიჭების შესახებ ეკლესიისა და სახელმწიფოს ინტერესებს ეწინააღმდეგება, ნათქვამია საქართველოს პატრიარქიის განცხადებაში, იტყობინება “GHN“.„საქართველოს პარლამენტის წარმომადგენლები საკუთარი ინიციატივით მოვიდნენ საქართველოს პატრიარქიაში, 4 ივლისს საქართველოს კათოლიკოს-პატრიარქის მიერ გაკეთებული განცხადების შემდეგ, რათა შემოეთავაზებინა პირველი წაკითხვისას მიღებული კანონპროექტის შეცვლილი ვარიანტი, რომელშიც კვლავინდებურად უპირობოდ იყო დაფიქსირებული საჯარო სამართლის იურიდიული პირების მიერ რელიგიური გაერთიანებების აღიარების საკითხი. პატრიარქიამ კვლავ შესთავაზა კანონის მიღების შეჩერება, მისი საჯარო განხილვისა და საზოგადოებრივ აზრებში კონსენსუსის მიღწევის პროცესის დაწყება, ასევე შესთავაზა კომპრომისული ვარიანტი საერთაშორისო გამოცდილების გათვალისწინებით. შეთანხმება არ მიღწეულა და ეს უკიდურესად სამწუხაროა, ვინაიდან უკვე მიღებული კანონი როგორც ეკლესიის, ისე ქვეყნის ინტერესებს ეწინააღმდეგება. მიგვაჩნია, რომ ეს კანონი უარყოფით შედეგებს უკვე უახლოეს მომავალში გამოიწვევს, რისი პასუხისმგებლობაც ხელისუფლებებს ეკისრებათ“, - ნათქვამია პატრიარქიის განცხადებაში. შეგახსენებთ, რომ სამოქალაქო კოდექსში ცვლილებათა პროექტი, რომელიც საქართველოში რიგი რელიგიური ორგანიზაციებისათვის საჯარო სამართლის იურიდიული პირების სტატუსის მინიჭებას ითვალისწინებს, ერთხმად - 70 ხმით დამტკიცდა პარლამენტის პლენარულ სხდომაზე. საპარლამენტო ოპოზიცია კანონპროექტის განხილვის შეჩერებას ითხოვდა და პროტესტის ნიშნად კენჭისყრაში მონაწილეობაზე უარი განაცხადა. Source - GHN
Share to:https://www.aspurcela.ge/asp-News_-_file_-_article_-_sid_-_2765.html
| |||
| Posted by Drakula | 06 Jul 2011, 13:26 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.22 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.