Translation tool beta version. Translation quality may be not a good
| პოლიტიკა: საქართველოს პრეზიდენტმა ახსნა, რატომ ხარჯავს მაღალ თანხებს ქვეყანაში მსოფლიო ვარსკვლავების კონცერტებზე |  | Georgian News | |
 საქართველოს პრეზიდენტი საქართველოში ცნობილი უცხოელი მუსიკოსების ვიზიტებითა და ბათუმში ჩატარებული კონცერტებით კმაყოფილია.„საქართველოში მსოფლიო ვარსკვლავების ჩამოსვლა საქართველოს პლანეტაზე მილიონობით ადამიანისათვის უფრო ცნობადს ხდის და ეს ტურიზმის განვითარებას უწყობს ხელს“, - განუცხადა მიხეილ სააკაშვილმა ჟურნალისტებს, როდესაც კომენტარს აკეთებდა ბათუმში მსოფლიოში ცნობილი მომღერლის სტინგისა და მესაყვირის კრის ბოტის კონცერტთან დაკავშირებით. „ჩვენ ყოველთვის გვეკითხებიან, რატომ ვხარჯავთ ფულს ვარსკვლავების დაპატიჟებაზე და ასეთი გრანდიოზული კონცერტების ჩატარებაზე და მე მინდა ვუპასუხო, რომ, ჯერ ერთი, ფული გვიბრუნდება ქველმოქმედების სახით, ამასთან ჩვენ ვცდილობთ ამგვარი გზით მთელ მსოფლიოს ჩვენი ქვეყანა გავაცნოთ“, - აღნიშნა მან. სააკაშვილმა აღნიშნა, რომ ასეთი ღონისძიებები აჭარისა და საქართველოს მიმართ ტურისტთა ინტერესს იზიდავს და მათი რაოდენობა უახლოეს მომავალში 5 მილიონ ადამიანს, 2-3 წელიწადში კი - 10 მილიონს მიაღწევს. „ტურიზმის მოზიდვა კი დაიწყებს და დაიწყო კიდეც უკვე ასახვა ჩვენი მოქალაქეების კეთილდღეობაზე, ვინაიდან ეს დამატებითი შემოსავლებია, ბინების იჯარით გაცემის შესაძლებლობა, უკვე ახლა ბათუმში თავისუფალი საცხოვრებელი ფართობის შოვნა რთულია. ამასთან, მთელი დასავლეთ საქართველოს მოქალაქეები შეძლებენ აქ საკუთარი სასოფლო-სამეურნეო პროდუქციის რეალიზაციას და ეს ასევე დადებითად აისახება ჩვენს მოსახლეობაზე“, - ხაზი გაუსვა პრეზიდენტმა. სააკაშვილმა აღნიშნა, რომ ამ დღეებში შეხვდა ერთ-ერთი უმსხვილესი საკრუიზე კომპანიის ხელმძღვანელს, რომელმაც მაშინვე თქვა, რომ მას ბათუმის ცენტრალური ნაწილი მოსწონს, მაგრამ ქალაქის განაპირა მხარეების ნახვა სურს. „მან თქვა, რომ მსოფლიოს ბევრ საკურორტო ობიექტში ცენტრის გარეთ თითქმის ყველგან ნგრევა და სიღარიბეა, მაგრამ როდესაც ბათუმის ქუჩებში გაიარა, დარწმუნდა, რომ ჩვენთან ყველგან რაღაც შენდება და არაა გეტო“, - თქვა მან და თან აღნიშნა, რომ მთელ საქართველოში მშენებლობა წარმოებს და არაა რაღაც განსაკუთრებული ზონები. Source - day.az
Share to:https://www.aspurcela.ge/asp-News_-_file_-_article_-_sid_-_2752.html
| |||
| Posted by Drakula | 05 Jul 2011, 21:24 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.26 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.