Translation tool beta version. Translation quality may be not a good
| პოლიტიკა: ალექსანდრე რონდელი: უკრაინისა და მოლდოვის გამო საქართველოსა და ევროკავშირის ურთიერთობა ოდნავ ჩრდილშია |  | Georgian News | |
 საქართველოს მხარდაჭერა გაძლიერდება ევროკავშირის საბჭოში პოლონეთის თავმჯდომარეობის დროს, თუმცა პოლონეთისთვის ეს ადვილი არ იქნება, მიაჩნია სტრატეგიისა და საერთაშორისო ურთიერთობების ფონდის დირექტორი ალექსანდრე რონდელი, იტყობინება “GHN“.„რთულია იმის თქმა, თუ როგორი იქნება ევროკავშირის საბჭოში პოლონეთის თავმჯდომარეობის შედეგები. პოლონეთი ნამდვილად კარგი მოვლენაა ჩვენთვის, მაგრამ მე მაინც მიმაჩნია, რომ მისთვის არც თუ ისე ადვილი იქნება საქართველოს საკითხების წინ წაწევა და დახმარების გაწევა, ვინაიდან მას მეზობლების მხრიდან წინააღმდეგობა შეხვდება. მაგრამ მაინც არსებობს იმედი, რომ ჩვენ თავისუფალი ვაჭრობისა და სავიზო რეჟიმების საკითხებში ოდნავ წინ წავიწევით. პოლონელებს ესმით ჩვენი პრობლემები, იციან, რომ მათი უსაფრთხოება ჩვენს უსაფრთხოებაზე არის დამოკიდებული, ამიტომ საქართველოსთვის მაქსიმუმს აკეთებენ“, - თქვა რონდელმა „რადიო თავისუფლებასთან“ საუბრისას. რაც შეეხება იმას, რომ პოლონეთი ევროკავშირში უკრაინისა და მოლდოვის წევრობის საკითხის აქტიურად წამოყენებას აპირებს, რონდელის აზრით, ამჟამად ევროპა „უფრო მეტად მობრუნებული იქნება უკრაინისკენ, ვიდრე საქართველოს მხარეს“. „მოცემულ ეტაპზე ევროპა წინა პლანზე ევროკავშირში საქართველოში გაწევრიანების საკითხს არ აყენებს, თუმცა გამოთქვამს სხვადასხვა პოლიტიკურ, მორალურ და სხვა მხარდაჭერას. დღეს იგი უფრო მეტად მობრუნებულია უკრაინის მხარეს: უკრაინა ძალიან მნიშვნელოვანი ქვეყანაა, ხოლო მოლდოვა - ევროპა და სწორედ ამიტომ სურთ ამ ორი ქვეყნის მიმართ აქტივიზირება. უკრაინისა და მოლდოვის გამო ჩვენ ოდნავ ჩრდილში აღმოვჩნდით, მაგრამ ამ ეტაპზე ჩვენ გაწევრიანების უშუალო კანდიდატები არც ვართ“, - აღნიშნა ექსპერტმა. Source - GHN
Share to:https://www.aspurcela.ge/asp-News_-_file_-_article_-_sid_-_2705.html
| |||
| Posted by Drakula | 29 Jun 2011, 23:10 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.