Translation tool beta version. Translation quality may be not a good
| მეცნიერება-ტექნოლოგიები: იქმნება ინტერნეტის დაცვის გლობალური სისტემა |  | World News | |
 ინტერნეტ-უსაფრთხოების სპეციალისტთა მცირე ჯგუფმა ამ კვირაში სინგაპურში ჩაატარა შეხვედრა, რომელზეც განიხილებოდა ახალი გლობალური სისტემის გაშვება ჰაკერებისაგან ქსელში ინფორმაციის დასაცავად. ამის შესახებ იტყობინება The New York Times.სპეციალისტები ამ სისტემას „სინათლის სხივს“ უწოდებენ, რომელიც ბოლო დროს სხვადასხვა საინფორმაციო სისტემებზე გახშირებული თავდასხმების ფონზე გამოჩნდა. „მნიშვნელობა არა აქვს, მსოფლიოს რომელ წერტილში იქნებით, თქვენ შეძლებთ ყველაფრის ნამდვილობაში დარწმუნებას“, - თქვა პროექტის ერთ-ერთმა ინჟინერმა დენ კამენსკიმ. როგორც გამოცემა განმარტავს, მეცნიერები ამუშავებენ რიცხობრივი კოდების სპეციალურ სისტემას, რომლითაც შესაძლებელი იქნება ქსელური ტრაფიკის დაცვა მავნე პროგრამებისაგან, ანუ კომპიუტერში ინტერნეტიდან ან პირიქით შემოსული ინფორმაციის შემოწმება. გაზეთის მონაცემებით, პროგრამა უკვე ერთი წელია, რაც მუშავდება და შენახული იქნება მონაცემთა დამუშავების სამ ცენტრში, რომლებიც სინგაპურში, ციურიხსა და სან-ჰოსეში განლაგდება. ეს ცენტრები, თავის მხრივ, აღჭურვილი იქნება მატერიალური, ელექტრონული და კრიპტოგრაფიული დაცვის ხუთი დონით. ბოლო თვეების განმავლობაში ჰაკერებისათვის სულ უფრო მარტივი გახდა საიტების გატეხა და კონფიდენციალური ინფორმაციის მიღება. მხოლოდ ივნისის თვეში კიბერდამნაშავეებმა Gmail-ის საფოსტო ყუთების, Citibank-ის მონაცემთა ელექტრონული ბაზის, კორპორაცია Sony-ის კომპიუტერული სისტემების, კომპიუტერული თამაშების მსოფლიო მწარმოებელ Sega-Pass-ის სათამაშო სერვისის გატეხა შეძლეს. ექსპერტთა აზრით, ეს დაკავშირებულია იმასთან, რომ როდესაც ინტერნეტი ჩნდებოდა, ყურადღებას, პირველ რიგში, არა მომხმარებლების ან კომპანიების მონაცემთა უსაფრთხოებაზე, არამედ მნიშვნელოვანი ინფორმაციის მიღებაზე ამახვილებდნენ. Source - day.az
Share to:https://www.aspurcela.ge/asp-News_-_file_-_article_-_sid_-_2688.html
| |||
| Posted by Drakula | 25 Jun 2011, 19:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.