Translation tool beta version. Translation quality may be not a good
| მეცნიერება-ტექნოლოგიები: გამოიგონეს მეხსიერების გაუმჯობესების ხერხი მიკროჩიპის საშუალებით |  | World News | |
 ამერიკელმა მეცნიერებმა შეიმუშავეს ადამიანის მეხსიერების ხელოვნური გაუმჯობესების პრინციპული სქემა მიკროჩიპის დანერგვის მეშვეობით. ეს საშუალებას მისცემს ადამიანს გაიხსენოს ყველაფერი, რაც მანამდე დაავიწყდა.იდეა მდგომარეობს ტვინში მიკროჩიპის დანერგვაში, რომელიც უსადენო კავშირის ტექნოლოგით იმართება. ამ ჩიპის მართვის პულტის ღილაკზე დაჭერის გზით, შესაძლებელია ინფორმაციის დამახსოვრებისა და დავიწყების პროცესების მართვა, წერს РБК daily. ლაბორატორიის ვირთხებს ჩაუყენეს ჩიპი, რომელიც ორ ნეირონულ ზონაზე მოქმედებს და რომლებიც, თავის მხრივ, მოკლევადიანი მეხსიერების გრძელვადიანში გადაყვანის პროცესზე ახდენს გავლენას. ტვინში ჩამონტაჟებული ტექნიკური მოწყობილობა წარმოშობდა საკუთარ ელექტრულ სიგნალებს, რომლებიც ტვინის ნეირონებში გადიოდა და დამახსოვრებისა და დავიწყების პროცესზე მოქმედებდა. კერძოდ კი, ასე შესაძლებელი იყო მოგონებების ხელოვნურად აღდგენა. მოკლედ რომ ითქვას, გააქტიურებული მოწყობილობისას ვირთხები მათთვის მანამდე ცნობილ მონაცემებს იხსენებდნენ, გამორთული მოწყობილობის დროს კი ივიწყებდნენ მათ. ეს დაამტკიცეს ექსპერიმენტით, რომლის დროსაც ტვინის იმ ნაწილის აქტიურობის ჩახშობისას, რომელიც მოკლევადიან მეხსიერებაზე არის პასუხისმგებელი, ვირთხებს არ ახსოვდათ, რაზე წვრთიდნენ, ხოლო მიკროჩიპის გააქტიურებისას, რომელიც ანალოგიურ სიგნალს გადასცემდა მოკლევადიანი მეხსიერების ზონიდან გრძელვადიანი მეხსიერების ზონაში, ისინი კვლავ იხსენებდნენ, თუ რას ასწავლიდნენ მათ. მკვლევარები აპირებენ გამოცდათა ანალოგიური სერია მაიმუნებზე ჩაატარონ და გეგმავენ შემდგომში ეს აღმოჩენა გამოიყენონ ალცგეიმერის დაავადებისა და თავის ტვინის ფუნქციონირების დარღვევასთან დაკავშირებული სხვა დაავადებების მკურნალობისთვის. თუმცა ექსპერტები გვაფრთხილებენ, რომ ადამიანის ტვინი დღემდე ბოლომდე შეუსწავლელი უკიდურესად რთული სისტემაა, რომელშიც შეჭრამ შეიძლება გამოიწვიოს ისეთი შედეგები, რომელთა გათვლა რთული იქნება. Source - http://news.km.ru/
Share to:https://www.aspurcela.ge/asp-News_-_file_-_article_-_sid_-_2665.html
| |||
| Posted by Drakula | 22 Jun 2011, 21:00 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.21 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.