Translation tool beta version. Translation quality may be not a good
| მეცნიერება-ტექნოლოგიები: Facebook-ში თაობათა ცვლა ხდება |  | World News | |
 ამერიკელი სკოლელები და სტუდენტები მასიურად ტოვებენ სოციალურ ქსელ Facebook-ს, რომელსაც აშშ-ში სულ უფრო მჭიდროდ იკავებს წინა- და საპენსიო ასაკის სამომხმარებლო აუდიტორია. ამის შესახებ იტყობინება Forbes.მაისი ზედიზედ მეორე თვე გახლდათ, როდესაც აშშ-ში, კანადასა და დიდ ბრიტანეთში Facebook-ის სამომხმარებლო აუდიტორია შემცირდა. „ბავშვებს არ სურთ მშობლებთან „დამეგობრება“, - განმარტავს გამოცემა ახალგაზრდა აუდიტორიის გაქცევას, რომელსაც არ სურს მშობლების მხრიდან ზედმეტი კონტროლი თავიანთ სოციალურ კონტაქტებზე, ფოტოსურათებსა და შეტყობინებებზე, რომლებიც თანატოლებისთვის არის განკუთვნილი. ახალგაზრდობაზე ორიენტირებული ამერიკული რესურსის - Roiworld-ის მონაცემებით, ჩატარებულ გამოკითხვაში ყოველმა მეხუთე მოზარდმა განაცხადა, რომ ბოლო დროს პრაქტიკულად აღარ ურთიერთობს თავის მეგობრებთან Facebook-ის საშუალებით, თუმცა ექაუნთი სისტემაში აქვს. რესურსი Macvideoაღნიშნავს, რომ მაისში Facebook-ის ამერიკული აუდიტორია თითქმის 6 მილიონი მომხმარებლით შემცირდა, თუმცა მის ექსპერტებს მიაჩნიათ, რომ მასიურ შედეგებზე საუბარი ჯერ ადრეა. Facebook, რომელიც თავიდან ჩაფიქრებული იყო როგორც ურთიერთობის ექსკლუზიური ქსელი ჰარვარდის უნივერსიტეტის სტუდენტებს შორის, სწრაფად გაფართოვდა და ურთიერთობის წრეში ახალგაზრდობა და მოზარდები ჩაითრია. თუმცა წელს აშშ-ში ამ სოციალური ქსელის მომხმარებლის საშუალო ასაკი 40 წელს მიუახლოვდა, ხოლო ყველაზე აქტიურად ზრდადი ასაკობრივი ჯგუფები გახლდათ კატეგორიები 55 წლის და 65 წლის შემდეგ - შეერთებული შტატების მოსახლეობის ნახევარს Facebook-ზე ექაუნთი აქვს გახსნილი. 50-ის შემდეგ ასაკობრივ ჯგუფში მომხმარებელთა რაოდენობა ბოლო წლის განმავლობაში ორჯერ გაიზარდა: 22-დან 42%-მდე, ნათქვამია Pew Internet & American Life Project-ის გამოკვლევაში. ამჟამად აშშ-ში სოციალურ ქსელებში დარეგისტრირებულია ინტერნეტ-მომხმარებელთა ნახევარი ასაკობრივ ჯგუფში 50-დან 64-მდე და ყოველი მეოთხე მომხმარებელი, რომლის ასაკიც 65 წელს სცილდება. როგორც გამოკვლევის ავტორები ირწმუნებიან, Facebookუკვე საკმაოდ არის გავსებული ახალგაზრდა აუდიტორიით და ამიტომ ქსელი ახლა უკვე მხოლოდ უფროსი თაობის ხარჯზე შეიძლება გაფართოვდეს. უფროსი ადამიანები სოციალურ ქსელებში იმისათვის შემოდიან, რომ კონტაქტი მონახონ თავიანთ შვილებთან, რომლებიც სულ უფრო ადრე ტოვებენ მშობლების სახლს, რათა სხვა ქალაქებში სასწავლებლად გაემგზავრონ. სულ Facebook-ზე დაახლოებით 700 მლნ მომხმარებელია დარეგისტრირებული. Source - day.az
Share to:https://www.aspurcela.ge/asp-News_-_file_-_article_-_sid_-_2639.html
| |||
| Posted by Drakula | 21 Jun 2011, 20:43 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.21 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.