Translation tool beta version. Translation quality may be not a good
| პოლიტიკა: გოგოლაშვილი: ნიკარაგუა და ვენესუელა იქ დემოკრატიული ხელისუფლების მოსვლის შემდეგ აფხაზეთის აღიარებას უარყოფს |  | Georgian News | |
 პოლიტოლოგის კახა გოგოლაშვილის განცხადებით, იმ სახელმწიფოების მთავრობები, რომლებმაც თავის დროზე აფხაზეთისა და ე. წ. სამხრეთ ოსეთის დამოუკიდებლობა აღიარეს, ავტორიტატული რეჟიმების რიცხვს განეკუთვნება. როდესაც ამ ქვეყნებში დემოკრატიული მმართველები მოვლენ, ისინი, ვანუატუს მსგავსად, აფხაზეთის დამოუკიდებლობის აღიარების შესახებ გადაწყვეტილების ანულირებას მოახდენენ.როგორც პოლიტოლოგმა "მედიანიუსთან" საუბრისას აღნიშნა, ამა თუ იმ სახელმწიფოს მიერ განცხადების ან გადაწყვეტილების უკან გამოხმობა დიპლომატიურ ურთიერთობებში ჩვეულებრივი მოვლენაა. „ეს ხელისუფლებები, რომლებიც დღეს იმავე ვენესუელასა და ნიკარაგუაში მართავენ, სწორედ იმიტომ არიან რუსეთის პარტნიორები, რომ წარმოადგენენ ავტორიტატულ, ნეოპოპულისტურ და ანტიდემოკრატიულ რეჟიმებს. როდესაც ამ ქვეყნებში პროგრესი იმ დონეს მიაღწევს, რომ ავტორიტატული ხელისუფლებები საზოგადოების მხარდაჭერასა და ძალაუფლებას დაკარგავენ, ცხადია, ახალი დემოკრატიული მთავრობა ამ უკანონო აღიარებას უკან მოიხმობს და აღნიშნული ქართული ტერიტორიების დამოუკიდებლობის აღიარებასთან დაკავშირებული გადაწყვეტილებების ანულირებას მოახდენს. საერთაშორისო დიპლომატიურ ურთიერთობებში არსებობს განცხადების უკან გამოხმობისა და გადაწყვეტილების ანულირების პროცედურები - ეს სავსებით დაშვებულია. ხშირად ისე ხდება, რომ ქვეყნები ერთმანეთთან წყვეტენ დიპლომატიურ ურთიერთობებს, შემდეგ კი კვლავ ამყარებენ, რამდენადაც იცვლება მთავრობები და გარე პრიორიტეტები“, - განაცხადა პოლიტილოგმა და დაამატა, რომ „აშშ-მ, თავის დროზე, აღიარა ტაივანი დამოუკიდებელ რესპუბლიკად, შემდეგ კი, რამდენადაც მახსოვს, უკან წაიღო ეს აღიარება. კვიპროსის მიმართ თურქეთმა ჩრდილოეთ კვიპროსის დამოუკიდებლობა აღიარა, მაგრამ დღევანდელი თურქეთი ჩრდილოეთ კვიპროსს დამოუკიდებლად არ მიიჩნევს“. შეგახსენებთ, რომ 19 ივნისს ვანუატუს ახალმა პრემიერ-მინისტრმა ედვარდ ნატაპეიმ აფხაზეთის დამოუკიდებლობის აღიარების შესახებ წინა ხელისუფლებების გადაწყვეტილების ანულირება მოახდინა და თავის წარმომადგენელს გაეროში საქართველოსთან ურთიერთობების დამყარება დაავალა. Source - Грузия Online
Share to:https://www.aspurcela.ge/asp-News_-_file_-_article_-_sid_-_2636.html
| |||
| Posted by Drakula | 21 Jun 2011, 09:46 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.