Translation tool beta version. Translation quality may be not a good
| ეკონომიკა: ევროზონას შესაძლოა შეეცვალოს სახელი ევროლენდზე |  | World News | |
 ევროკავშირის ევროზონის ევროლენდზე გადარქმევა შემოთავაზა ევროკავშირის პრეზიდენტმა ჰერმან ვან რომპეიმ. ერთდროულად მან მოუწოდა ევროკავშირის მოქალაქეებს „დაძლიონ პესიმისტური განწყობა“ ევროკავშირის ამჟამინდელ მდგომარეობასთან დაკავშირებით.„იმედგაცრუება და პესიმიზმი ქმედებისადმი გამბედაობას არყევს“, - შენიშნა მან. ვან რომპეი ბრიუსელში ერთ-ერთი გავლენიანი საერთოევროპული ანალიტიკური ინსტიტუტის სხდომაზე გამოვიდა. „მსოფლიო ბიზნესის თვალში სიტყვა „ევროზონა“ ფინანსური ინვალიდის სინონიმად გადაიქცა, აუცილებელია მისი გადარქმევა ევროლენდზე“, - განაცხადა ვან რომპეიმ. „სიტყვა ევროზონა ჟღერს როგორც ინდუსტრიული ზონა, როგორც რაღაც პერიფერიული. მე გთავაზობთ სხვა სახელს - ევროლენდს“, - აღნიშნა პრეზიდენტმა. „ჩვენ უფრო კონრკეტულები უნდა ვიყოთ იმის მიმართ, რაც ამჟამინდელ ევროკავშირის სავალუტო-ეკონომიკურ კავშირს წარმოადგენს. იგი, ჩემი აზრით, ევროლენდია, ვინაიდან ერთიანი ფულადი ერთეულის არსებობა წარმოადგენს ერთი ქვეყნის არსებობის მაჩვენებელს, ყოველ შეთხვევაში, მონეტარული თვალსაზრისით“, - დაამატა ვან რომპეიმ. ევროკავშირის პრეზიდენტის ამჟამინდელ მცდელობები სავალუტო ზონისთვის ახალი დასახელების მოფიქრებისათვის, რომელიც ევროკავშირის 17 ქვეყანას აერთიანებს, ორიგინალური არაა. რამდენიმე წლის წინ ევროკავშირის ერთიანი კონსტიტუციის მომზადების დროს ევროკომისიის ამჟამინდელმა უფროსმა ჟოზე მანუელ ბაროზუმ აღიარა, რომ, ღამით დაძინებისას, ხშირად ფიქრობს იმაზე, რომ სინამდვილეში ევროკავშირი „იმპერიას“ წარმოადგენს. „ეს ახალი ტიპის იმპერიაა, კეთილი და უმაღლეს ჰუმანიტარულ ღირებულებებზე დაფუძნებული“, - აღიარა მან ევროპულ მასმედიის საშუალებებისათვის მიცემულ ინტერვიუში. ამასთან, ევროკომისიის უფროსმა თანამედროვე ევროკავშირის პარალელი ჯერ კიდევ IXსაუკუნეში შექმნილ კარლ ფრანკის ფრანკების იმპერიასთან გაავლო. თუმცა ბაროზუს გულწრფელმა აღიარებამ ხმაურიანი სკანდალი გამოიწვია, პირველ რიგში, დიდ ბრიტანეთში, რომელიც კაროლინის იმპერიის ნაწილი არასდროს ყოფილა და ჰქონდა თავისი, ოღონდ ევროპული კონტინენტის გარეთ. შედეგად ბაროზუ იძულებული იყო, თავის „იმპერიულ სიზმრებზე“ საჯაროდ ეთქვა უარი. Source - GHN
Share to:https://www.aspurcela.ge/asp-News_-_file_-_article_-_sid_-_2628.html
| |||
| Posted by Drakula | 20 Jun 2011, 17:42 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.