Translation tool beta version. Translation quality may be not a good
| მეცნიერება-ტექნოლოგიები: იაპონიაში კომპიუტერული ვირუსების შექმნისათვის დააპატიმრებენ |  | World News | |
 იაპონიაში მიღებულია კანონი კიბერდანაშაულებრიობის წინააღმდეგ, რომლის თანახმადაც კომპიუტერული ვირუსების შექმნა, შენახვა და გავრცელება ჯარიმით ან თავისუფლების აღკვეთით დაისჯება. ამის შესახებ იტყობინება Agence France-Presse.ახალი კანონის თანახმად, რომელიც პარლამენტმა 17 ივნისს მოიწონა, ვირუსების წინასწარ განზრახული შექმნისთვის ან გავრცელებისათვის დააჯარიმებენ 500 ათასი იენით (6.2 ათასი დოლარი) ან მიუსაჯებენ 3 წლამდე ვადით პატიმრობას. ვირუსების შენახვისთვის გათვალისწინებულია 300 ათასი იენის (3.7 ათასი დოლარი) ოდენობის ჯარიმა და პატრიმრობა ორ წლამდე ვადით. ამას გარდა, როგორც იტყობინება სააგენტო Kyodo, კანონი ხელისუფლებას უფლებას აძლევს, მოითხოვოს ინტერნეტ-პროვაიდერებისაგან კერძო მიმოწერის ლოგების შენახვა 60 დღის განმავლობაში. კანონის მიღებამ სამოქალაქო უფლებების მრავალი დამცველის მხრიდან პროტესტები გამოიწვია. მათ გამოთქვეს შიში სიტყვის თავისუფლებისა და კერძო ცხოვრების ხელშეუხებლობის გარანტიების დაცვის თაობაზე. იაპონიის პარლამენტის ზემო პალატის სასამართლო კომიტეტმა კანონს დაუმატა რეზოლუცია ბოროტმოქმედებების თავიდან აცილების მოთხოვნით. იაპონიამ ჯერ კიდევ 2001 წელს მოაწერა ხელი კიბერდანაშაულთან ბრძოლის საერთაშორისო კონვენციას. ახალი კანონის მიღება ამ შეთანხმების მოთხოვნების შესრულების ერთ-ერთი ღონისძიება გახდა. Source - day.az
Share to:https://www.aspurcela.ge/asp-News_-_file_-_article_-_sid_-_2621.html
| |||
| Posted by Drakula | 18 Jun 2011, 21:26 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.