Translation tool beta version. Translation quality may be not a good
| პოლიტიკა: პაატა ზაქარეიშვილი: ჟენევის მოლაპარაკებებიდან საქართველოს გამოსვლა დაუშვებელია |  | Georgian News | |
 ქართული მხარის მიერ მოსკოვის მისამართით წაყენებული ულტიმატუმი ჟენევის მოლაპარაკებებიდან გამოსვლის თაობაზე დაუშვებელია, მიაჩნია ქართველ კონფლიქტოლოგ პაატა ზაქარეიშვილს, იუწყება “GHN“.„ეს სრულიად დაუშვებელია. იმისათვის, რომ საქართველოს ტერიტორიაზე ტერაქტების ორგანიზაციაში რუსეთის დანაშაული დავამტკიცოთ, საუკეთესო ფორმატი სწორედ ჟენევის მოლაპარაკებებია, ვინაიდან მანდ წარმოდგენილია აშშ, ევროკავშირი და გაერო. საქართველოს ლეგიტიმური უფლება აქვს, ჟენევის ფორმატისაგან ამ საქმეების გამოძიება მოითხოვოს და არ დაიმუქროს მოლაპარაკებებიდან გამოსვლით. ჩემთვის გაურკვეველია, რატომ არ უნდა ქართულ მხარეს ამ საკმაოდ მნიშვნელოვანი ფორმატის შემუშავება“, - თქვა პაატა ზაქარეიშვილმა სააგენტო „GHN“-თან საუბრისას. მისი თქმით, საჭირო არაა რუსეთთან ულტიმატუმის ენაზე საუბარი, არამედ საჭიროა ჟენევის მოლაპარაკებების ფორმატის გამოყენება. „გაურკვეველია ისიც, რომ ქართულმა მხარემ ასაფეთქებელი საშუალება გაანადგურა და თუ გამოძიება მოისურვებს, ვეღარ დაადგენს იმას, თუ სად იქნა დამზადებული იგი. მთელი ბრალდება მხოლოდ ბრალდებლის აღიარებით ჩვენებაზეა აგებული, რაც, თავის, მხრივ, ნდობას არ იმსახურებას, რამდენადაც იგი შესაძლოა იტყუებოდეს, სხვა დამნაშავეებს ფარავდეს და ბრალს საკუთარ თავზე იღებდეს. ეს საჭიროებს გამოძიებას, გამოძიება კი - ურთიერთობას ორივე მხარესთან, რისი გაკეთებაც ჟენევის ფორმატს შეუძლია. ასე რომ, ჩვენ რუსეთთან არა ულტიმატუმის ენაზე უნდა ვისაუბროთ, არამედ უფრო ეფექტურად გამოვიყენოთ ეს ფორმატი“, - თქვა ექსპერტმა. შეგახსენებთ, რომ ქართულმა მხარემ წამოაყენა ულტიმატუმი და დაიმუქრა, რომ თუ რუსეთის ფედერაცია საქართველოში ტერაქტების ორგანიზაციას გააგრძელებს, მაშინ თბილისი ჟენევის მოლაპარაკებებიდან გამოვა. Source - GHN
Share to:https://www.aspurcela.ge/asp-News_-_file_-_article_-_sid_-_2590.html
| |||
| Posted by Drakula | 15 Jun 2011, 19:04 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.