Translation tool beta version. Translation quality may be not a good
| ეკონომიკა: სებ: 2010 წელს საქართველოს ეკონომიკა არა მხოლოდ გამოვიდა რეცესიიდან, არამედ ზრდისტენდენციაცარისნავარ |  | Business & Economics | |
 2010 წელს საქართველოს ეკონომიკა არა მხოლოდ გამოვიდა რეცესიიდან, არამედ კრიზისამდელი პერიოდის დონეზე ზრდის ტენდენციაც არის ნავარაუდევი, ნათქვამია საქართველოს ეროვნული ბანკის (სებ) ანგარიშში.სებ-ის მონაცემებით, მშპ-ის რეალური ზრდის მაჩვენებელმა 6.4 პროცენტი შეადგინა. ამას გარდა, ანგარიშში აღნიშნული იყო რბილი ფისკალური და მონეტარული პოლიტიკა 2009 წელს, რომლის ეკონომიკაზე ზეგავლენაც 2009 წლის მეოთხე კვარტალში აისახა და რომელმაც 2010 წელს საგრძნობი შედეგი მოიტანა. „2010 წლის მეოთხე კვარტალში რეალური ეკონომიკური ზრდა დაფიქსირდა, რომელმაც 8.7 პროცენტი შეადგინა. მეორე მხრივ, მშპ-ზე ზეგავლენის მომხდენი სეზონური ეფექტის გამორიცხვის შედეგად, წინა წლის მესამე კვარტალში, წინა კვარტალთან შედარებით, ადგილი ჰქონდა რეალური ზრდის უმნიშვნელო (ერთი პროცენტით) შემცირებას. დანარჩენ კვარტლებში მშპ საკმაოდ ინტენსიურად, 2-3 პროცენტით იზრდებოდა“, - ნათქვამია ეროვნული ბანკის ანგარიშში. ბანკის მონაცემებით, 2010 წელს ნომინალური მშპ, წინა წელთან შედარებით, 15.6 პროცენტით გაიზარდა, რასაც 2009 წელს 5.7 პროცენტით შემცირება უსწრებდა წინ. საანგარიშო წელს მშპ-ის დეფლატორი, წინა წელთან შედარებით, 8.7 პროცენტით გაიზარდა. როგორც მშპ-ის დინამიკის სექტორული ანალიზიდან ჩანს, 2010 წელს ეკონომიკურ ზრდაში ძირითადი წვლილი ისეთმა დარგებმა შეიტანა, რომლებიც 2009 წელს ეკონომიკურ ზრდაში უარყოფითი წვლილით გამოირჩეოდა. კერძოდ, ეს არის ვაჭრობა, გადამამუშავებელი მრეწველობა და სამშენებლო სექტორი. ამას გარდა, საჭიროა აღნიშნოს ტრანსპორტისა და ფინანსების სფეროების არსებითი ზრდა (13.1 და 14.7 პროცენტი, შესაბამისად) და მათი არსებითი წვლილი მშპ-ის ზრდაში (0.8 და 0.4 პროცენტი, შესაბამისად). საქართველოს ეროვნული ბანკის ანგარიშში ნათქვამია, რომ 2010 წელს მნიშვნელოვნად გაიზარდა იმპორტი (23.5 პროცენტით), რაც, როგორც ექსპორტის შემთხვევაში, საქონლის ფასების ზრდით იყო განპირობებული. მთლიანობაში, როგორც ანგარიშში აღნიშნულია, 2010 წელს ნომინალური მშპ-ის არსებითი ზრდა, ძირითადად, ექსპორტის შედარებითი გამოცოცხლებითა და კაპიტალის ფორმირების მაჩვენებლის ზრდის მაღალი ტემპებით იყო განპირობებული. Source - bizzone
Share to:https://www.aspurcela.ge/asp-News_-_file_-_article_-_sid_-_2588.html
| |||
| Posted by Drakula | 15 Jun 2011, 19:01 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.