Translation tool beta version. Translation quality may be not a good
| მეცნიერება-ტექნოლოგიები: შეიქმნა მასალა, რომელიც რამდენიმე წამში თვისებებს იცვლის |  | World News | |
 მკვლევართა საერთაშორისო ჯგუფმა ჰამბურგის ტექნიკური უნივერსიტეტის მეცნიერთა ხელმძღვანელობით შექმნა მასალა, რომელიც ღილაკზე ერთი დაჭერით სიმაგრეს იცვლის. ეს ტრანსფორმაცია მიიღწევა რამდენიმე წუთში მასალის ელექტრონული სტრუქტურის ცვლილების წყალობით.ამგვარად, წამში შესაძლებელია მაგარი და მყიფე მასალის გადაქცევა რბილ და ადვილად დასამუშავებელ მასალად. ეს რევოლუციური გამოგონებაა, რომელიც საშუალებას იძლევა, მასალის ძირითადი თვისება ელექტრონული სიგნალების საშუალებით შეიცვალოს. ახალი ნივთიერების გამოყენება შეიძლება „ჭკვიანი“ მასალების შესაქმნელად, რომლებსაც დამოუკიდებელი შეკეთების, მაგალითად, საშიში ნაპრალების ლიკვიდაციის შესაძლებლობა აქვს. მასალის ფორები გაჟღენთილია ძაბვაგამტარი სითხით, მაგალითად, უბრალო მარილიანი წყლით ან მჟავით. ინოვაციური მასალის მისაღებად მეცნიერები შედარებით მარტივ პროცესს იყენებენ: კოროზიას. ლითონებს, როგორც წესი, ძვირფას ლითონებს, როგორებიცაა ოქრო ან პლატინა, ათავსებენ მჟავის ხსნარში, რომელიც კოროზიულ პროცესებს უშვებს და ლითონში მიკროსკოპულ ფორებს ქმნის. ამდაგვარად, იქმნება ნანოსტრუქტურირებული მასალა, რომელიც ღრუბელს წააგავს. სიმაგრე შემდეგნაირად იცვლება: ლითონის ზედაპირებს შეიძლება ჰქონდეს ელექტრული მუხტი, ამიტომ ლითონის მექანიკური თვისებების შეცვლა შესაძლებელია იმ სითხის ელექტრული პოტენციალის შეცვლით, რომელშიც ეს ლითონია ჩადებული. სიმაგრის შეცვლის ეფექტი გახლავთ ლითონის ზედაპირზე ატომური კავშირების გაძლიერების ან შესუსტების შედეგი დამატებითი ელექტრონების დამატებისას ან მოშორებისას. შესაძლებელია ახალი მასალის სიმაგრის გაორმაგება, ლითონის პირველსაწყისი მდგომარეობიდან. ამას გარდა, მისი გადაყვანა „ადვილად დასამუშავებელ“ მდგომარეობაში შეიძლება, რომელიც ეფექტურად შთანთქავს დარტყმის ენერგიას. ამას გარდა, მეცნიერებმა შეძლეს ახალი მასალის კიდევ ერთი თვისებისთვის თვალყურის მიდევნება: ესაა მაღალი სიმაგრის ან სირბილის ლოკალური ადგილების შექმნის შესაძლებლობა. Source - day.az
Share to:https://www.aspurcela.ge/asp-News_-_file_-_article_-_sid_-_2541.html
| |||
| Posted by Drakula | 09 Jun 2011, 14:25 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.