Translation tool beta version. Translation quality may be not a good
| პოლიტიკა: ევროპარლამენტმა მძაფრად გააკრიტიკა რუსეთი მისი პოლიტიკის გამო საქართველოს მიმართ |  | Georgian News | |
 ევროპარლამენტის წარმომადგენლებმა მძაფრად გააკრიტიკეს რუსეთი იმ პოლიტიკის გამო, რომელსაც იგი საქართველოს მიმართ ატარებს, იტყობინება “GHN“.კერძოდ, ევროპარლამენტი მოუწოდებს ევროპის საბჭოს, დააყენოს საკითხი რუსეთის მიერ აღებული ვალდებულებების შეუსრულებლობის გამო საქართველოს ოკუპირებული ტერიტორიიდან ჯარების გაყვანის საკითხში. რუსეთი-ევროკავშირის სამიტამდე ერთი დღით ადრე ევროპარლამენტის წარმომადგენლებმა განაცხადეს, რომ როდესაც რუსეთი საქართველოს ტერიტორიაზე პასპორტიზაციას აგრძელებს, არ შეიძლება რუსეთსა და ევროპას შორის უვიზო მიმოსვლის საკითხის განხილვა. ამას გარდა, დღეს, 9 ივნისს, ევროპის პარლამენტი ხმას მისცემს რეზოლუციას, რომელშიც ასახული იქნება დამოკიდებულება რუსეთის მიმართ. „რუსეთი პატივს უნდა სცემდეს მეზობელი ქვეყნების სუვერენიტეტსა და ტერიტორიულ მთლიანობას. მან უნდა შეწყვიტოს ზეწოლა უკრაინაზეც. მოვითხოვთ, რომ რუსეთმა საქართველოდან ჯარები გაიყვანოს და დაუბრუნდეს კონფლიქტამდე არსებულ პოზიციებს“, - განაცხადა დეპუტატმა ქრისტიან ოიულანმა. ამავე დროს, „ევროპელი კონსერვატორებისა და რეფორმატორების“ წარმომადგენლის ჩარლზ ტანოკის თქმით, ევროკავშირმა უნდა დააფიქსიროს პოსტსაბჭოთა სივრცის იმ ქვეყნების მხარდაჭერა, რომლებიც ევროკავშირისაკენ მიისწრაფვიან. „რუსეთს ეკონომიკური ინტერესები აქვს ყოფილი საბჭოთა კავშირის ქვეყნების მიმართ, რომლებიც ამჟამად, საბედნიეროდ, ევროკავშირისკენ მიისწრაფვიან. ევროკავშირმა ასეთი ქვეყნების მხარდაჭერა უნდა დააფიქსიროს. ამას გარდა, კარი უნდა გაიღოს მათი ევროატლანტიკური მისწრაფებებისაკენ“, - თქვა მან. Source - GHN
Share to:https://www.aspurcela.ge/asp-News_-_file_-_article_-_sid_-_2537.html
| |||
| Posted by Drakula | 09 Jun 2011, 13:12 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.