Translation tool beta version. Translation quality may be not a good
| ეკონომიკა: საქართველოს ავტომანქანების ექსპორტის თვალსაზრისით რეგიონში პირველი ადგილი უკავია |  | Business & Economics | |
 დღეიდან, რუსთავის შესასვლელთან, ოფიციალურად დაიწყო მუშაობა ავტობაზა „კავკასიის ავტო ცენტრმა“, რომელიც თანამედროვე სტანდარტებს პასუხობს. კომპანია „იბერია ბიზნეს ჯგუფმა“ ობიექტის მშენებლობაში 4 მილიონი ლარი ჩადო.გახსნის ოფიციალურ ცერემონიას პრემიერ-მინისტრი ნიკა გილაური დაესწრო, რომელმაც ხაზი გაუსვა, რომ ავტომანქანების ექსპორტის თვალსაზრისით საქართველო რეგიონში პირველ ადგილზეა და ახალი ცენტრის გახსნა კიდევ უფრო შეუწყობს ხელს ექსპორტის ზრდას. „ჩვენთვის „კავკასიის ავტო ცენტრის“ გახსნა ძალიან მნიშვნელოვანია, ვინაიდან საქართველოს ავტომანქანების ექსპორტის თვალსაზრისით რეგიონში პირველი ადგილი უკავია. ჩვენ მოცემულ ბიზნესში ვლიდერობით და მისი წარმატება დამატებითი სამუშაო ადგილების შექმნის საშუალებას მოგვცემს. აღნიშნული ბიზნესის განვითარება გამარტივებული პროცედურებით იყო განპირობებული, როგორც შესყიდვების, ისე იმპორტის თვალსაზრისით. ისეთი სწრაფი და მარტივი მომსახურება, როგორიც საქართველოშია, რეგიონის არც ერთ ქვეყანაში არაა. „კავკასიის ავტო ცენტრში“ ერთი საათის განმავლობაში შესაძლებელია ავტომანქანის შეძენა და გაფორმება და სწორედ ესოდენ გამარტივებული პროცედურების გამო ჩვენთან მრავალი ქვეყნიდან ჩამოდიან და ავტომანქანებს ყიდულობენ“, - აღნიშნა პრემიერმა. კომპანიის ინფორმაციით, ავტობაზა, თავისი პირობებითა და დაბალი ფასებით, რეგიონში კონკურენციის გარეშე იქნება, ხოლო პირველი ორი კვირის განმავლობაში ბაზა კლიენტებს უფასოდ მოემსახურება. ავტობაზა და დამხმარე შენობები 46 000 კვადრატულ მეტრზეა განლაგებული. ტერიტორია 4 ზონად იყოფა და, საერთო ჯამში, ერთი ტერმინალი 2 000 ავტომანქანას ემსახურება. „აქ ახალი ავტომობილებიც გაიყიდება. ჩვენ მუდმივად გავაკეთებთ სპეციალურ შემოთავაზებებს ისეთი ბრენდების სერვის-მომსახურებაზე, როგორებიცაა „ფოლცვაგენი“, „აუდი“, „შკოდა“, „მიცუბიში“, „რენო“, „ნუსანი“, „ინფინიტი“, „პეჟო“, „კია“, - განაცხადა „იბერია ბიზნეს ჯგუფის“ პრეზიდენტმა ტარიელ ხეჩიკაშვილმა. ავტობაზაზე სწრაფი კვების რამდენიმე ობიექტიც არის განლაგებული. ხოლო მათთვის, ვინც მეზობელი ქვეყნებიდან ჩამოვიდა, გახსნილია სასტუმრო. Source - bizzone
Share to:https://www.aspurcela.ge/asp-News_-_file_-_article_-_sid_-_2500.html
| |||
| Posted by Drakula | 02 Jun 2011, 19:16 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.