Translation tool beta version. Translation quality may be not a good
| მეცნიერება-ტექნოლოგიები: Google-მა Gmail-ის ასობით ექაუნთის გატეხის შესახებ განაცხადა |  | World News | |
 ჩინელმა ჰაკერებმა საფოსტო სერვის Gmail-ის ასობით ექაუნთთან უკანონო წვდომის მოპოვება შეძლეს, განაცხადა ოთხშაბათს, 1 ივნისს, კომპანია Google-მა, იტყობინება Agence France-Presse.როგორც Google-ის წარმომადგენლები ვარაუდობენ, საფოსტო ექაუნთებთან წვდომისათვის პაროლების მისაღებად, ბოროტგამზრახველებმა ე. წ. ფიშინგი (ინფორმაციის მოპარვა ყალბი საიტების შექმნის გზით) გამოიყენეს. კიბერშეტევების მიზანი, რომელიც ჩინური ქალაქიდან ცზინანიდან წარმოებიდა, გახლდათ წვდომის მიღება მიმოწერასთან და წერილების შემდგომი წაკითხვა, მიაჩნიათ Google-ში. ექაუნთთან წვდომის მიღებისთანავე, ჰაკერები შეტყობინებათა გადაგზავნისა და სიების მიხედვით დაგზავნების პარამემტრებს ცვლიდნენ. Google-ის წარმომადგენლებმა არ დააზუსტეს, რამდენ ხანს გრძელდებოდა ჰაკერთა თავდასხმა და კერძოდ როდის შეძლეს Gmail-ის ფოსტის უსაფრთხოებასთან დაკავშირებული პრობლემის აღმოჩენა. როგორც კომპანია Google-მა განაცხადა, ჰაკერთა მოქმედებებით დაზარალებულთა რიცხვშია მაღალი თანამდებობის სახელმწიფო მსახურები, სამხედრო პირები, ჟურნალისტები, ასევე ჩინელი სამართალდამცავები და აზიის ქვეყნების და, უპირველესად, სამხრეთ კორეის სამთავრობო სტრუქტურების თანამშრომლები. ამასთან, აშშ-ის პრეზიდენტის ადმინისტრაციამ უკვე განაცხადა, რომ მასთან არსებული მონაცემებით, თეთრი სახლის თანამშრომელთა ექაუნთები არ გატეხილა. ეს პირველი შემთხვევა არაა, როდესაც Google-ის კომპიუტერული სისტემები ჩინელი ჰაკერების მხრიდან თავდასხმების შესახებ აცხადებენ. 2010 წლის იანვარში კომპანიამ ჩინელი ჰაკერები ჩინელი სამართალდამცავებისა და ჟურნალისტების საფოსტო ექაუნთების გატეხის მცდელობებში დაადანაშაულა. შედეგად Google-ს კინაღამ ჩამოართვეს ჩინურ ბაზარზე მუშაობის ლიცენზია. 2011 წლის მარტში Google-მა ჩინეთის ხელისუფლებები საფოსტო სერვის Gmail-ის დაბლოკვაში დაადანაშაულა. ჩინეთმა Gmail-ის დაბლოკვის ბრალდება კატეგორიულად უარყო. Source - day.az
Share to:https://www.aspurcela.ge/asp-News_-_file_-_article_-_sid_-_2496.html
| |||
| Posted by Drakula | 02 Jun 2011, 09:34 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.