Translation tool beta version. Translation quality may be not a good
| საზოგადოება: რუსების ნახევარს საქართველო არამეგობრულ და მტრულ სახელმწიფოდ მიაჩნია |  | World News | |
 რუსების თითქმის სამი მეოთხედი (74%) დასავლეთთან რუსეთის კავშირების გამყარებისა და გაფართოების სურვილს გამოთქვამს, მხოლოდ 18% მოუწოდებს დისტანციის დაჭერას, შეატყობინეს ოთხშაბათს „ინტერფაქსს“ „ლევადა-ცენტრის“ სოციოლოგებმა - რუსებს შორის მაისის გამოკითხვის შედეგების მიხედვით. რუსეთის მოქალაქეები ყველაზე არამეგობრულ ქვეყნად საქართველოს მიიჩნევენ.მათი მონაცემებით, თანამემამულეთა შორის სჭარბობს მოსაზრება მუსულმანურ სამყაროსთან რუსეთის ურთიერთობის გაფართოების აუცილებლობის შესახებ (62%), რესპონდენტთა მეოთხედი ასეთი პოლიტიკის წინააღმდეგ გამოდის (25%). სოციოლოგთა შეკითხვაზე, რომელია რუსეთის 5 ყველაზე ახლო და მეგობრული ქვეყანა, რესპონდენტებმა მიუთითეს ბელარუსზე (35%), ყაზახეთზე (33%), უკრაინაზე (21%), გერმანიაზე (20%) და ჩინეთზე (18%). რუსეთის ფედერაციის მიმართ არამეგობრულად და მტრულად განწყობილი ქვეყნების ხუთეულში, გამოკითხულთა პასუხების თანახმად, შევიდნენ: საქართველო (50%), ლატვია (35%), ლიტვა (34%), აშშ (33%) და ესტონეთი (30%). გამოკითხვის მსვლელობაში, რომელიც მაისის შუა რიცხვებში რუსეთის 45 რეგიონის 130 დასახლებულ პუნქტში 1600 ადამიანის მონაწილეობით ტარდებოდა, რესპონდენტთა 75%-მა განაცხადა, რომ მთლიანობაში დადებითი დამოკიდებულება აქვთ ბელარუსის მიმართ (17% - ცუდი დამოკიდებულება), ორმა მესამედმა კი უკრაინა აღნიშნა (27% - ცუდი დამოკიდებულება). ამასთან, რესპონდენტთა მხოლოდ 15%-მა გამოთქვა რუსეთისა და უკრაინის გაერთიანების სურვილი, უმრავლესობას (64%) მიაჩნია, რომ ისინი დამოუკიდებელი, მაგრამ მეგობრული სახელმწიფოები უნდა იყოს, ღია საზღვრებით, ვიზებისა და საბაჟოების გარეშე. 16%-ს მიაჩნია, რომ რუსეთის უკრაინასთან ურთიერთობა ისეთივე უნდა იყოს, როგორც სხვა სახელმწიფოებთან. დასავლურ ქვეყნებს შორის, „ლევადა-ცენტრის“ გამოკვლევების თანახმად, რუსებს ყველაზე დადებითი დამოკიდებულება გერმანიის მიმართ აქვთ: რესპონდენტთა 84%-მა განაცხადა, რომ მთლიანობაში დადებითადაა განწყობილი ამ ქვეყნის მიმართ. რუსების დადებითი გამოძახილების დონე სოციოლოგებმა იაპონიისა და ისრაელის მიმართ დააფიქსირეს (70-70%). მაისში რუსების ორმა მესამედმა (68%) განაცხადა დადებითი დამოკიდებულების შესახებ ჩინეთის მიმართ, ნახევარზე ოდნავ მეტმა - აშშ-ის (54%) და პოლონეთის (57%) მიმართ. Source - Грузия Online
Share to:https://www.aspurcela.ge/asp-News_-_file_-_article_-_sid_-_2491.html
| |||
| Posted by Drakula | 02 Jun 2011, 09:24 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.