Translation tool beta version. Translation quality may be not a good
| პოლიტიკა: „ახალი მემარჯვენეები“ ოქრუაშვილის განცხადებას ანტისახელმწიფოებრივს უწოდებენ |  | Georgian News | |
 „ახალი მემარჯვენეების“ ლიდერი დავით გამყრელიძე, რუსული ტელეარხისთვის ოქრუაშვილის განცხადებაზე კომენტარის გაკეთებისას, აღნიშნავს, რომ „თავდაცვის ყოფილი მინისტრი ირაკლი ოქრუაშვილი იმდენად არის დასუსტებული შურისძიების გრძნობით, რომ თანდათანობით სამშობლოს ინტერესთა მოწინააღმდეგედ გადაიქცა“.„ჩვენ, „ახალ მემარჯვენეებს“ მიგვაჩნია, რომ ირაკლი ოქრუაშვილის მიერ გაკეთებული განცხადებები არა თუ უპასუხისმგებლო, არამედ დანაშაულებრივია საკუთარი ქვეყნის მიმართ და სამოქალაქო მოვალეობებისა და პოლიტიკური ქმედებების ფარგლებს სცდება. სრულიად აშკარაა, რა საფრთხეს მოიცავს ამგვარი უპასუხისმგებლო განცხადებები და რა შედეგები შეიძლება ჰქონდეს მათ გამო საქართველოს. როგორც ჩანს, ქვეყნის პოლიტიკური ელიტის ერთ-ერთი ყოფილი წარმომადგენელი ისეა დაბრმავებული თავისი ყოფილი თანამოსაგრეების მიმართ შურისძიების გრძნობით, რომ საერთოდ დაკარგა პატრიოტიზმის გრძნობა და თანდათანობით სამშობლოს ინტერესთა მოწინააღმდეგედ გადაიქცა. „ახალი მემარჯვენეები“ მოვუწოდებთ ყველა იმ პოლიტიკურ ლიდერსა და პარტიას, რომლებიც დღეს საკუთარ თავს ხელისუფლების ოპოზიციად მიიჩნევენ, იხელმძღვანელონ საქართველოს ინტერესებით და იმოქმედონ კონსტიტუციური გზებით მიხეილ სააკაშვილის პოლიტიკურ გუნდზე, და არა საკუთარ სამშობლოზე გასამარჯვებლად“, - განაცხადა გამყრელიძემ. შეგახსენებთ, რომ ანტონ ვერნიცკის ფილმში „კავკასიური გეგმა - მეტასტაზები“, რომელიც რუსეთის პირველ არხზე იქნა ნაჩვენები, ირაკლი ოქრუაშვილი აცხადებს ჩრდილოკავკასიელ მეამბოხეებთან საქართველოს ხელისუფლებების კავშირების შესახებ. კერძოდ, ოქრუაშვილი აცხადებს, რომ საქართველოს ხელისუფლება, თითქოს-და, არა ერთხელ უზრუნველყოფდა დერეფანს აჩიმეზ გოჩიაევისთვის, რომელიც მოსკოვსა და ვოლგოდონსკში საცხოვრებელი სახლების აფეთქებაშია ეჭვმიტანილი. აქვე საჭიროა აღინიშნოს, რომ გოჩიაევის მონაწილეობა მხოლოდ რუსული ხელისუფლების მიერ არის დამტკიცებული, მაშინ, როცა არსებობს ვერსიები იმაზე, რომ ეს აფეთქებები თავად რუსეთის ფედერაციის ხელისუფლებების მიერ იყო ორგანიზებული. Source - Грузия Online
Share to:https://www.aspurcela.ge/asp-News_-_file_-_article_-_sid_-_2476.html
| |||
| Posted by Drakula | 31 May 2011, 16:20 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.