Translation tool beta version. Translation quality may be not a good
| შოუ-ბიზნესი: ცნობილი ბრიტანელი მომღერალი სარეაბილიტაციო კლინიკაში მოათავსეს |  | World News | |
 ხუთი „გრემის“ მფლობელი ბრიტანელი მომღერალი ემი უაინჰაუსი სარეაბილიტაციო კლინიკაში მოათავსეს. ამის შესახებ იტყობინება Reuters.როგორც პარასკევს, 27 მაისს, უაინჰაუსის პრეს-მდივანმა თქვა, მომღერალი ოთხშაბათიდან ლონდონში, Priory Clinic-ში იმყოფება. პრეს-მდივნის თქმით, სარეაბილიტაციო კლინიკაში უაინჰაუსის მიმართვის მიზეზი გახდა „მომღერლის სურვილი, მოემზადოს ევროპის ზაფხულის საგასტროლო ტურისთვის“. პრეს-მდივანს გაუჭირდა იმის თქმა, თუ როდის დატოვებს მომღერალი კლინიკას და მხოლოდ ის თქვა, რომ ეს ექიმთა რეკომენდაციებზეა დამოკიდებული. თავის მხრივ, ჟურნალი People, მომღერლის გარემოცვაში არსებულ წყაროებზე დაყრდნობით, იტყობინება, რომ უაინჰაუსის ჰოსპიტალიზაცია დაჟინებით მოითხოვა მამამისმა, რომელსაც მიაჩნია, რომ მისი შვილი ზედმეტად სვამს ალკოჰოლს. ემი უაინჰაუსის ოფიციალურ საიტზე კონცერტის უახლოეს თარიღად ფიგურირებს 18 ივნისი, როდესაც იგი ბელგრადში უნდა გამოვიდეს. ადრე ემი უაინჰაუსს არა ერთხელ გაუვლია სარეაბილიტაციო კლინიკებში მკურნალობის კურსი ნარკოტიკული დამოკიდებულებისაგან. იგი ასევე მოხვედრილა საავადმყოფოში ფილტვების ემფიზემის ეჭვით. მსოფლიო აღიარება უაინჰაუსს მოუტანა ალბომმა „Back to Black“, რომელიც 2006 წელს გამოვიდა. 2008 წელს კომპოზიცია „Rehab“-სთვის მომღერალმა ხუთი „გრემის“ ჯილდო მიიღო. გახდა რა პრესტიჟული პრიზის მფლობელი, უაინჰაუსმა თითქმის ორი წლით შეაჩერა კარიერა. საგასტროლო მოღვაწეობასა და შემდგომ ალბომზე მუშაობას უაინჰაუსი 2010 წელს დაუბრუნდა. Source - day.az
Share to:https://www.aspurcela.ge/asp-News_-_file_-_article_-_sid_-_2452.html
| |||
| Posted by Drakula | 28 May 2011, 08:45 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.