Translation tool beta version. Translation quality may be not a good
| ეკონომიკა: საინვესტიციო სააგენტო: საპროტესტო გამოსვლებმა უკვე გამოიწვია ინვესტორთა მღელვარება |  | Business & Economics | |
 იმოქმედებს თუ არა 26 მაისის ღამის მოვლენები ქვეყნის ეკონომიკურ განვითარებაზე? ეს საკითხი განსაკუთრებით აქტუალური ხდება მას შემდეგ, რაც მსოფლიოს მასმედიის კადრებმა სამყაროს შემოუფრინა. რადიო „კომერსანტისთვის“ ცნობილია, რომ საქართველოს ტურიზმის ეროვნული სააგენტო შეისწავლის თბილისში ჩატარებული საპროტესტო აქციების ზეგავლენას ტურიზმის სექტორზე. სააგენტოს ხელმძღვანელმა განაცხადა, რომ საპროტესტო აქციების სერიოზული გავლენა და უცხოურ მასმედიაში მათი გაშუქება ნაკლებად არის მოსალოდნელი. თუმცა, ბექა ჯაყელის თქმით, მოცემულ ეტაპზე ტურისტულ სააგენტოებთან და სასტუმროებთან წარმოებს სამუშაო, რათა დადგინდეს, ხომ არ გაუქმდა მაისსა და ივნისისთვის დაგეგმილი ვიზიტები. ჯაყელის განცხადებით, სხვადასხვა ქვეყნებისაგან მიმართვები ჯერ არ ყოფილა, ვინაიდან ყველა ქვეყნის მოქალაქეებს ესმით, რომ საპროტესტო აქციები ბუნებრივი მოვლენაა და, ყველაფრის მიუხედავად, საქართველოს ტურისტებისათვის უსაფრთხო ქვეყანაა.ამასთან, საქართველოს საინვესტიციო სააგენტოს ხელმძღვანელმა ქეთი ბოჭორიშვილმა, რომელიც ვიზიტით ინდოეთში იმყოფება, „რადიო კომერსანტის“ პირდაპირ ეთერში განაცხადა, რომ საპროტესტო აქციებმა უკვე გამოიწვია ინვესტორთა მღელევარება. მისი თქმით, ინდოეთში მიმდინარე ღვინის ფესტივალზე, რომელსაც სააგენტო აწყობს, თბილისში მიმდინარე მოვლენებთან დაკავშირებით შეკითხვები გაჩნდა. ქეთი ბოჭორიშვილის თქმით, ინვესტორთა შორის არსებობს შიში, თუმცა არც ისეთი მაღალი და სააგენტო სიტუაციის ნეიტრალიზაცის ცდილობს. ბოჭორიშვილი განმარტავს, რომ ასეთი ტიპის გამოსვლები, ზოგადად, ცუდად მოქმედებს საინვესტიციო გარემოზე, რამდენადაც ქვეყანაში არსებულ არასტაბილურობაზე მიუთითებს, შედეგად ინვესტორში სიფრთხილე ჩნდება. ამასთან ერთად, მისივე თქმით, ყველას ესმის, რომ აქციები ყველა ქვეყანაში ტარდება. საინვესტიციო სააგენტოს ხელმძღვანელმა დაამატა, რომ თუ მოვლენები გაგრძელდება, ეს ცუდად იმოქმედებს როგორც ტურისტების, ისევე ინვესტიციების მოზიდვის თვალსაზრისით. Source - bizzone
Share to:https://www.aspurcela.ge/asp-News_-_file_-_article_-_sid_-_2449.html
| |||
| Posted by Drakula | 27 May 2011, 17:48 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.