Translation tool beta version. Translation quality may be not a good
| შოუ-ბიზნესი: Forbes-მა მსოფლიოში ყველაზე გავლენიანი პიროვნება დაასახელა |  | World News | |
 ჟურნალ Forbes-მა ყველაზე გავლენიანი ცნობილი პიროვნებების ყოველწლიური სია გამოაქვეყნა. ტოპ-100-ში მუსიკის, კინოს, ტელევიზიის, მოდისა და სპორტის ვარსკვლავები შევიდნენ. წლის შედეგებით რეიტინგში პირველი ადგილი 25 წლის პოპ-მომღერალმა ლედი გაგამ დაიკავა, რომელმაც Forbes-ის სიის პირველ სტრიქონს კარიერაში პირველად მიაღწია. 2010 წელს ლედი გაგა მეოთხე ადგილს იკავებდა.როგორც ჟურნალი აღნიშნავს, ექსპერტებმა ტოპ-სიის პირველი ადგილი შემსრულებელს არა მხოლოდ იმიტომ მისცეს, რომ ბოლო 12 თვის განმავლობაში მან 90 მილიონი დოლარის მიღება შეძლო (სხვა ყველაფრის გარდა, გავლენიანობის კრიტერიუმი ცნობილი პიროვნების შემოსავლის დონეც გახლავთ), არამედ იმიტომაც, რომ იგი სოციალური ქსელების „დედოფალი“ გახდა - ლედი გაგას Twitter-ს 10 მილიონი ადამიანი კითხულობს, ხოლო Facebook-ზე მის გვერდზე 32 მილიონი თაყვანისმცემელია ხელმოწერილი. Forbes-ის რეიტინგის მეორე ადგილზეა ამერიკელი ტელეწამყვანი ოპრა უინფრი, რომელიც 2010 წელს პირველ ადგილზე იმყოფებოდა. მესამე სტრიქონზე აღმოჩნდა ახალგაზრდა კანადელი მომღერალი ჯასტინ ბიბერი. მანამდე 17 წლის მომღერალი არც ერთხელ არ ყოფილა შესული Forbes-ის ტოპში, თუმცა წარმატებულობისა და პოპულარობის წყალობით მან ესოდენ მაღალ პოზიციაზე დებიუტირება შეძლო. ბიბერის შეიდეგ სიაშია U2; მეხუთეა ბრიტანელი მომღერალი სერ ელტონ ჯონი, ხოლო მეექვსე ადგილზე აღმოჩნდა გოლფისტი ტაიგერ ვუდსი. ჟურნალი იმ ფაქტს აქცევს ყურადღებას, რომ ვუდსმა გავლენიანი პიროვნებების პირველ ათეულში დარჩენა პირად ცხოვრებაში წარუმატებლობებისა და სხვადასხვა ტურნირებში არც ისე წარმატებული გამოსვლების მიუხედავად შეძლო. პირველ ათეულში ასევე შესულები არიან: მომღერალი ტეილორ სვიფტი (მეშვიდე ადგილი), Bon Jovi (7), ბრიტანელი ტელეწამყვანი საიმონ კოუელი (9) და კალათბურთელი ლებრონ ჯეიმსი (10). Forbesრეიტინგს 1999 წლიდან ყოველწლიურად ადგენს. Source - day.az
Share to:https://www.aspurcela.ge/asp-News_-_file_-_article_-_sid_-_2401.html
| |||
| Posted by Drakula | 20 May 2011, 09:17 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.