Translation tool beta version. Translation quality may be not a good
| შოუ-ბიზნესი: ბრიტანული ტაბლოიდი ცნობილი მსახიობის ტელეფონს ისმენდა |  | World News | |
 ბრიტანელი მსახიობის ჰიუ გრანტის ტელეფონს ერთ-ერთი ეროვნული ტაბლოიდის თანამშრომლები ისმენდნენ. ამის შესახებ რადიოსადგურ BBC Radio 5-ის ეთერში თავად მსახიობმა განაცხადა, წერს The Guardian.გრანტის თქმით, პოლიციამ მას მოსმენის დამამტკიცებელი საბუთები მიაწოდა: მისი ახლო მეგობრებისა და ნათესავების სატელეფონო ნომრები, PIN-კოდები, ასევე ინფორმაცია საბანკო ანგარიშებზე. მსახიობმა გამოცემისა და სტატიების დასახელება არ გაამხილა, თუმცა თქვა, რომ მოსმენას ტაბლოიდზე მომუშავე კერძო დეტექტივი აწარმოებდა. ჰიუ გრანტმა ასევე თქვა, რომ ამჟამად ფიქრობს, შეიტანოს თუ არა სარჩელი. ამასთან, მსახიობმა აღნიშნა, რომ ადამიანებს, ვინც ოდნავ მაინც წარმატებულია, საერთოდ არ სურთ მსგავს პრესასთან ურთიერთობა. „რაც უფრო მალე წავა ტაბლოიდები ბიზნესიდან, მით უკეთესი იქნება“, - განაცხადა მსახიობმა. მიმდინარე წლის დასაწყისიდან დიდ ბრიტანეთში გახმაურებული პროცესი იზრდება რუპერტ მერდოკის ტაბლოიდის - News of the World-ის მიმართ, რომელმაც ათეული ცნობილი პიროვნების მოსმენა აღიარა. გაზეთის წინააღმდეგ, რომელიც, თავისი სკანდალური პუბლიკაციებით არის ცნობილი, ბრიტანელებმა რამდენიმე სარჩელი აღძრეს. ერთ-ერთი პირველი, ვინც ტაბლოიდს სასამართლოში უჩივლა, გახლდათ მსახიობი სიენა მილერი, რომელმაც News of the World-საგან არაკანონიერი მოსმენისთვის 100 ათასი ფუნტი სტერლინგი მიიღო. News of the World-მა ასევე განაცხადა 20 მილიონი ფუნტი სტერლინგის (32.5 მილიონი დოლარის) კაპიტალის ფონდის შექმნის შესახებ, რომლიდანაც დაშავებულებს კომპენსაციებს გადაუხდიან. Source - day.az
Share to:https://www.aspurcela.ge/asp-News_-_file_-_article_-_sid_-_2375.html
| |||
| Posted by Drakula | 18 May 2011, 15:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.