Translation tool beta version. Translation quality may be not a good
| საზოგადოება: ევროპის პროფკავშირები საქართველოში პროფკავშირული მოძრაობის განვითარებას მხარს უჭერენ |  | Georgian News | |
 ევროპის პროფკავშირი მხარს უჭერს საქართველოში პროფკავშირული მოძრაობის განვითარებას. ამის შესახებ განაცხადა საქართველოს გაერთიანებული პროფკავშირების თავმჯდომარემ ირაკლი პეტრიაშვილმა, რომელიც სამუშაო ვიზიტით ბრიუსელში ევროპის პროფკავშირთა შტაბ-ბინაში იმყოფებოდა.შეხვედრები აღმოსავლური პარტნიორობის პროგრამის ფარგლებში გაიმართა. მასში მონაწილეობა მიიღეს ევროკომისიისა და ევროპარლამენტის წარმომადგელებმა, ასევე ევროკავშირის წევრი ქვეყნების დიპლომატებმა. როგორც პეტრიაშვილმა განაცხადა, შეხვედრაზე განიხილებოდა შრომის კოდექსი და სიტუაცია საქართველოს შრომის ბაზარზე. მისი თქმით, ევროპის პროფკავშირთა გაერთიანებაში მიიჩნევენ, რომ ეკონომიკური არასტაბილურობის პირობებში სოციალური უკმაყოფილების ასაცილებლად მთავარია პროფკავშირების გაძლიერება. „ევროპის პროფკავშირთა გაერთიანება ერთმნიშვნელოვნად უჭერს მხარს დემოკრატიას, პროფკავშირებსა და დიალოგის განვითარებას საქართველოში. ფაქტია, რომ ამას ყველა პრეფერენცია, შეღავათი და ევროპასთან ურთიერთობა ეფუძნება. სწორედ ამის დასტური იყო ეს ვიზიტი და ის მხარდაჭერა, რომელიც ევროპარლამენტისაგან, ევროკომისიისა და სხვა ევროპული სტრუქტურებისაგან მივიღეთ“, - აღნიშნა პეტრიაშვილმა. როგორც პან-ევროპული პროფკავშირების საბჭოს თავმჯდომარემ გრიგორი გრადევმა აღნიშნა, ქვეყანა, რომელიც ევროკავშირთან ორმხრივი სავაჭრო ურთიერთობისადმი მიისწრაფვის, აუცილებლად უნდა აკმაყოფილებდეს შემდეგ მოთხოვნებს: უნდა უზრუნველყოფდეს საერთაშორისო შრომის ორგანიზაციების კონვენციებსა და უნდა ჰქონდეს ძლიერი პროფკავშირები. „ჩვენ მხარს ვუჭერთ საქართველოს პროფკავშირთა გაერთიანებას“, - განაცხადა გრადევმა. ევროპის პროფკავშირთა გაერთიანება 26 მლნ ადამიანს აერთიანებს. Source - Грузия Online
Share to:https://www.aspurcela.ge/asp-News_-_file_-_article_-_sid_-_2282.html
| |||
| Posted by Drakula | 09 May 2011, 15:42 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.