Translation tool beta version. Translation quality may be not a good
| საზოგადოება: საფრანგეთმა საქართველოს მოქალაქეებს 200 სამუშაო ადგილი გამოუყო |  | Georgian News | |
 როგორც პარასკევს, 6 მაისს, ჟურნალისტებს საქართველოს იუსტიციის მინისტრის მოადგილემ გიორგი ვაშაძემ შეატყობინა, საფრანგეთი დათანხმდა საქართველოს მოქალაქეებისათვის 200 სამუშაო ადგილის გამოყოფას. მისი თქმით, საფრანგეთში ლეგალური სამსახურის პოვნას შეძლებენ როგორც საქართველოს ის მოქალაქეები, რომელთაც უმაღლესი განათლება არა აქვთ, ასევე ისინი, ვისაც უმაღლესი განათლება აქვს.„ახლა უკვე ჩვენი მოქალაქეები შეძლებენ საფრანგეთში გამგზავრებასა და დასაქმებას. ცხადია, პროფესიების სია შეზღუდულია, მაგრამ ისინი, ვისაც ეს აწყობს, შეძლებენ გამარტივებული წესით სამუშაო ფრანგული ვიზის მიღებას“, - განაცხადა მან. ამასთან, მან მაინც აღნიშნა, რომ პროფესიების სია საკმარისად ფართოა და იგი შეთანხმებულ იქნა ორი ქვეყნის ოფიციალური წარმომადგენლების მიერ საქართველოსა და საფრანგეთის ინტერესთა გათვალისწინებით. ამასთან, საქართველო თავისი მოქალაქეების ლეგალური დასაქმების საკითხზე მოლაპარაკებებს ევროკავშირის სხვა ქვეყნებთანაც აწარმოებს. მოცემულ მომენტში მოლაპარაკებები ჩეხეთთან წარმოებს. თბილისში მიაჩნიათ, რომ ამგვარი გადაწყვეტილება არალეგალურ მიგრაციასთან ბრძოლას შეუწყობს ხელს. ცოტახნის წინ საქართველომ და ევროკავშირმა სავიზო რეჟიმის გამარტივების შესახებ შეთანხმებას მოაწერეს ხელი, თუმცა პარალელურად ხელმოწერილი იქნა შეთანხმება რეადმისიის თაობაზე, რომლის მიხედვითაც ევროკავშირის ქვეყნებიდან არალეგალურად მყოფი საქართველოს მოქალაქეები დეპორტირებულნი უნდა იქნენ სამშობლოში. Source - bizzone
Share to:https://www.aspurcela.ge/asp-News_-_file_-_article_-_sid_-_2262.html
| |||
| Posted by Drakula | 06 May 2011, 09:53 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.