Translation tool beta version. Translation quality may be not a good
| ეკონომიკა: გაიხსნა თბილისის განვითარების სტრატეგიის ფორუმი |  | Georgian News | |
 თბილისის მერიისა და მსოფლიო ბანკის ინიციატივით, სასტუმრო „თბილისი მარიოტში“ თბილისის განვითარების სტრატეგიის ფორუმი გაიხსნა. მასში მონაწილეობენ საერთაშორისო, სახელმწიფო, არასამთავრობო და ბიზნეს-ორგანიზაციების წარმომადგენლები, ასევე დამოუკიდებელი ექსპერტები და საზოგადოებრივი მოღვაწეები.თბილისის განვითარების სტრატეგიაზე მუშაობდა მერიის ეკონომიკური პოლიტიკის სამსახური მსოფლიო ბანკის ექსპერტებთან ერთად. პროექტი ქალაქის ალიანსისა და მუნიციპალური განვითარების მხარდაჭერით ხორციელდება. ფორუმი თბილისის მერმა გიგი უგულავამ გახსნა. ფორუმის ფარგლებში მსოფლიო ბანკის მისიის უფროსი საქართველოში ასად ალამი მოაწყობს პრეზენტაციას ქალაქების განვითარების სტრატეგიის მნიშვნელოვნობისა და ამ თვალსაზრისით საერთაშორისო გამოცდილების შესახებ. ფორუმის მონაწილეები გაეცნობიან ქალაქის პროფაილს, რომელიც თბილისის განვითარების სტრატეგიის ფარგლებში შემუშავდა და იგი დედაქალაქის დღევანდელ მდგომარეობას ასახავს. პრეზენტაციის შემდეგ ფოკუს-ჯგუფები შემდეგ თემებს განიხილავენ: ქალაქი და ხალხი; ქალაქის ადგილმდებარეობა და დემოგრაფია; თბილისის ფუნქცია და სიცოცხლისუნარიანი ეკონომიკური სექტორები; როგორ შევამციროთ უმუშევრობა; საცხოვრებელი პოლიტიკა და სხვ. ასევე განიხილავენ ქალაქის ძლიერი და სუსტი მხარეები, გააანალიზებენ საფრთხეებს თბილისის განვითარებაში და განსაზღვრავენ შესაძლებლობებს, რომლებსაც დედაქალაქის განვითარებაში პოზიტიური როლის შესრულება შეუძლია. Source - Грузия Online
Share to:https://www.aspurcela.ge/asp-News_-_file_-_article_-_sid_-_2202.html
| |||
| Posted by Drakula | 02 May 2011, 12:52 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.