Translation tool beta version. Translation quality may be not a good
| ეს საინტერესოა: გერმანული ტელეარხი საქართველოს ტურისტულ პოტენციალზე ფილმს იღებს |  | Georgian News | |
 საქართველოში ჩამოსვლის მსურველი ტურისტებისათვის აუცილებელი ინფორმაციის მიწოდების მიზნით, გერმანიის პირველი საზოგადოებრივი არხის გადამღები ჯგუფი საქართველოს ეწვია.გადაცემის სპეციფიკიდან გამომდინარე, გადამღები ჯგუფი აფრიკისა და ამერიკის სხვადასხვა ქალაქებში იღებს ტურისტებისათვის აუცილებელ კომუნიკაციებს, სარკინიგზო მაგისტრალებსა და ქვეყნის ღირსშესანიშნაობებს. ცნობილია, რომ რკინიგზა ტურიზმის უმნიშვნელოვანესი კომპონენტია. იგი ყველაზე პოპულარულ და უსაფრთხო გადაადგილების საშუალებად მიიჩნევა. ქართული რკინიგზა ასევე აქტიურად ცდილობს საერთაშორისო სტანდარტებზე გასვლასა და მგზავრებისათვის მაქსიმალური კომფორტის შექმნას. გერმანელ დოკუმენტალისტებს პირადად მიეცათ „საქართველოს რკინიგზის“ მუშაობის შეფასების შესაძლებლობა. მათ როგორც მატარებლებს, ისე დეპოსა და სადგურებს გადაუღეს. „ძველი სახლები ძალიან მიყვარს. 20 წლის წინ რუსთაველის პროსპექტზე ხალხი იდგა და დამოუკიდებლობას ითხოვდა. დღეს ბევრად უფრო თავისუფალი ატმოსფერო და მეტი შესაძლებლობაა. მრავალ ტურისტს სურს საქართველოს მონახულება და მათ აინტერესებთ, როგორ იმოგზაურონ, გადაადგილდნენ თქვენს ქვეყანაში, როგორაა განვითარებული სატრანსპორტო ინფრასტრუქტურა“, - აღნიშნა დოკუმენტალისტმა მატიგ-გერლახმა. გერმანელი დოკუმენტალისტები საქართველოს ტურისტულ პოტენციალზე ნახევარ საათიან ფილმს გადაიღებენ, რომელშიც ერთ-ერთ უმთავრესი რკინიგზა იქნება. ისინი საქართველოში კვირამდე გაჩერდებიან, მანამდე კი, მატარებლით ქვეყნის კურორტებს მოივლიან. Source - Грузия Online
Share to:https://www.aspurcela.ge/asp-News_-_file_-_article_-_sid_-_2175.html
| |||
| Posted by Drakula | 29 Apr 2011, 17:17 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.29 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.