Translation tool beta version. Translation quality may be not a good
| პოლიტიკა: სირიის პრეზიდენტმა ოფიციალურად გააუქმა საგანგებო მდგომარეობის 50 წლიანი რეჟიმი |  | World News | |
 21 აპრილს სირიის სახელმწიფო ტელევიზიამ განაცხადა, რომ პრეზიდენტმა ბაშარ ასადმა ხელი მოაწერა დეკრეტს 1963 წლიდან ქვეყანაში მოქმედი საგანგებო მდგომარეობის რეჟიმის მოხსნის თაობაზე. ამის შესახებ იტყობინება Agence France-Presse.ერთდროულად გაუქმდა სახელმწიფო უსაფრთხოების უმაღლესი სასამართლოც - სტრუქტურა, რომელიც საიდუმლოობის რეჟიმში განიხილავდა იმ პიროვნებების საქმეებს, რომლებიც რეჟიმისადმი არალოიალურობის ეჭვქვეშ იყვნენ. საგანგებო მდგომარეობის რეჟიმი სახელმწიფო გადატრიალების შემდეგ იქნა შემოღებული, როდესაც ქვეყანაში ხელისუფლებაში პარტია „ბაასი“ მოვიდა, რომელიც კონტროლს მოცემულ მომენტამდე ინარჩუნებდა. ამის შემდეგ რეჟიმის მოქმედება არა ერთხელ გაგრძელებულა. საგანგებო მდგომარეობა სირიელთა მრავალ უფლებასა და თავისუფლებას ზღუდავდა. კერძოდ, შემოღებული იყო შეზღუდვები მასიური შეკრებებისა და მიტინგების ჩატარებაზე, მედიაში ცენზურა არსებობდა, ხოლო პოლიციელები და სპეცსამსახურები ძალიან ფართო უფლებებით სარგებლობდნენ, რომლებიც მათ სასამართლოს გარეშე დაპატიმრებებისა და დაკავებების განხორციელების საშუალებას აძლევდა. ახლა მოქალაქეები, მიიღეს რა შინაგან საქმეთა სამინისტროს ნებართვა, შეძლებენ მშვიდობიანი მანიფესტაციების ჩატარებას, თუმცა არასანქციონირებული სვლებისთვის კვლავინდებურად სასჯელი იმოქმედებს. ამას გარდა, სირიაში მიღებულია კანონი, რომელიც ცენზურას ამარტივებს. ხელისუფლებები იძულებულნი იყვნენ, საზოგადოებრიობის ზეწოლის ქვეშ რეფორმებზე წასულიყვნენ. უკვე რამდენიმე კვირაა, რაც მრავალი სირიული ქალაქის მაცხოვრებლები საპროტესტო აქციებზე გამოდიან და საკუთარი პოლიტიკური უფლებების გაფართოებას ითხოვენ. მას შემდეგ, რაც ზოგიერთი დემონსტრაცია ძალის გამოყენებით დაშალეს, აქციების მონაწილეებს შორის გამოჩნდა ლოზუნგები პრეზიდენტის გადადგომის მოთხოვნით. Source - day.az
Share to:https://www.aspurcela.ge/asp-News_-_file_-_article_-_sid_-_2113.html
| |||
| Posted by Drakula | 22 Apr 2011, 08:54 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.