Translation tool beta version. Translation quality may be not a good
| პოლიტიკა: შევარდნაძე: სააკაშვილი და პუტინი ნიჭიერი ადამიანები არიან |  | Georgian News | |
 საქართველოს ექს-პრეზიდენტი ედუარდ შევარდნაძე სახელმწიფოს ამჟამინდელ მეთაურს მიხეილ სააკაშვილსა და რუსეთის პრემიერ-მინისტრს ვლადიმირ პუტინს ნიჭიერ ადამიანებად მიიჩნევს და იმედოვნებს, რომ მომავალში საქართველოს ხელისუფლებები დაჭკვიანდებიან. ამის შესახებ ედუარდ შევარდნაძემ „ბი-ბი-სისთვის“ მიცემულ ინტერვიუში განაცხადა.საუბრის მსვლელობაში ექს-პრეზიდენტმა კიდევ ერთხელ აღნიშნა, რომ მიხეილ სააკაშვილს ნიჭიერ პიროვნებად მიიჩნევდა. „მე მას ნიჭიერ ახალგაზრდა ადამიანად მივიჩნევდი. მაგრამ ჟვანია უფრო მოქნილი იყო. შემდგარი ვითარებებიდან გამომდინარე გადადგომა გადავწყვიტე, რათა სისხლი არ დაღვრილიყო. ხალხმა ყველაფერი იცოდა და ესმოდა“, - აღნიშნა პოლიტიკოსმა. ამავდროულად, როდესაც იგი პასუხობდა შეკითხვას, როგორი იქნება საქართველო 20 წლის შემდეგ, როგორ ააგებს ურთიერთობას რუსეთთან, შევარდნაძემ გამოთქვა იმედი, რომ საქართველოს ხელისუფლებები დაჭკვიანდებიან. „ჯერ ბევრი პრობლემაა, მაგრამ მთავარი ისაა, რომ საქართველო დამოუკიდებელ სახელმწიფოდ რჩება. მე ხშირად ვაკრიტიკებ ამჟამინდელ ხელმძღვანელობას, მაგრამ ისინი დაჭკვიანდებიან. საქართველო აღადგენს ტერიტორიულ მთლიანობას. ეს ქართული მიწაა. მაგრამ ამისათვის დროა საჭირო. 10-12 წელი“, - თქვა მან. ედუარდ შევარდნაძემ ასევე აღნიშნა, რომ რუსეთთან ნორმალური ურთიერთობის მომხრეა. „მე ყოველთვის ვცდილობდი, რუსეთთან ნორმალური ურთიერთბა მქონოდა. ჩემი ინიციატივით საქართველო დსთ-ში შევიდა. ჩვენ პუტინთანაც კი ვმეგობრობდით. მას ჯერ კიდევ პეტერბურგიდან ვიცნობდი, სადაც ლექციებს ვკითხულობდი, როდესაც გუბერნატორი სობჩაკი იყო. სობჩაკმა პუტინს ლექციების ორგანიზება დაავალა. პუტინი ძალიან საინტერესო ადამიანია, მეტიც, ვიტყოდი, რომ იგი ნიჭიერია“, - აღნიშნა მან. Source - Грузия Online
Share to:https://www.aspurcela.ge/asp-News_-_file_-_article_-_sid_-_2087.html
| |||
| Posted by Drakula | 19 Apr 2011, 11:12 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.29 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.