უწმინდესი და უნეტარესი, საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთისა ილია II  შესაძლოა აფხაზეთს მოინახულებს, იტყობინება “GHN“.

ეს ინფორმაცია სააგენტოს პატრიარქიის პრეს-სამსახურში დაუდასტურეს და აღნიშნეს, რომ საქართველოს პატრიარქს აფხაზეთის მონახულების დიდი სურვილი აქვს.

„თუმცა, ჯერ რთულია თქმა, გამოვა თუ არა ეს და როგორი ღონისძიებები ხორციელდება ვიზიტის მომზადებისათვის“, - თქვეს პრეს-სამსახურში.

პრეს-სამსახურის ინფორმაციით, მანამ, სანამ აფხაზეთში მგზავრობის საკითხი გადაწყდება, პატრიარქი 4 თებერვალს ვიზიტით დიდ ბრიტანეთს ეწვევა.

შეგახსენებთ, რომ ილია  II  აფხაზეთში 90-იან წლებში სამხედრო დაპირისპირების შემდეგ არ ჩასულა.