2010 წელს მკვეთრად გაიზარდა აჭარაში ჩამოსულ ირანელ ტურისტთა რიცხვი.

ავტონომიური რესპუბლიკის ტურიზმის დეპარტამენტის მონაცემებით, წინა წელს, 2009 წელთან შედარებით, ირანელ ვიზიტიორთა რაოდენობა 1855.2%-ით გაიზარდა, ხოლო 2008 წელთან შედარებით - 1274.6%-ით.

დეპარტამენტში აცხადებენ, რომ წინა წელს რეგიონში მნიშვნელოვნად გაიზარდა ვიზიტიორთა რიცხვი აზერბაიჯანიდანაც. 2009 წელთან შედარებით ზრდამ 243.2% შეადგინა, ხოლო 2008 წელთან შედარებით - 1070.4 %.

ამასთან ერთად, 2010 წელს დაფიქსირდა უკრაინელ ვიზიტიორთა არსებითი ზრდა. 2009 წელთან შედარებით ზრდამ 233.7% შეადგინა, 2008 წელთან შედარებით კი - 352.2%. ასევე გაიზარდა ტურისტთა რიცხვმა თურქეთიდან, 2009 წელთან შედარებით 93.5%-ით, ხოლო 2008 წელთან შედარებით - 342.6%-ით.

2010 წელს უცხოელ ვიზიტიორთა შორის შემდეგი ქვეყნები ლიდერობენ: თურქეთი - 136 341 ვიზიტიორი, რაც აჭარაში ჩამოსულ ტურისტთა საერთო რიცხვის 43.7%-ს შეადგენს; სომხეთი - 98 995 ვიზიტიორი, 31.7%; აზერბაიჯანი - 43 970 ვიზიტიორი, 14.1%; უკრაინა - 7 706 ვიზიტიორი, 2.5%; ირანი - 4 536 ვიზიტიორი, 1.5%.