2010 წლის ბოლოს ეკონომიკის ზრდის მაჩვენებელი 6%-ია. როგორც გუშინდელ ბრიფინგზე ფინანსთა მინისტრმა კახა ბაინდურაშვილმა განაცხადა, სახელმწიფო ბიუჯეტის პირვანდელი ვარიანტის თანახმად, ეკონომიკის ზრდის პროგნოზული მაჩვენებელი მხოლოდ 2%-ს შეადგენდა. თუმცა, ბოლო მონაცემებით, იგი 4%-ით გაიზარდა და წლის ბოლოსთვის 6%-ს შეადგენს.

როგორც მინისტრმა განმარტა, ეკონომიკის ზრდა განპირობებული იყო რამდენიმე მნიშვნელოვანი ფაქტორით, რომელთაგან ძირითადია ეკონომიკის გაჯანსაღება, რომლის მიღწევაც მთავრობამ ინფრასტრუქტურაში სწორი ინვერსტიციებისა და სამშენებლო და კერძო სექტორების აქტიურობის საშუალებით შეძლო. მნიშვნელოვანია ისიც, რომ პრობლემები არც კომერციულ ბანკებს გასჩენიათ.