საქართველოს პარლამენტმა პატიმრობის კოდექსში შესწორებები შეიტანა, რომელთა თანახმადაც 1 იანვრიდან პატიმრები ახლობლებთან და ოჯახის წევრებთან ერთად ვებ-კამერების საშუალებით ვიდეოპაემნების მოწყობას შეძლებენ.

„ამ უფლებით ვერ ისარგებლებენ მხოლოდ ისინი, ვინც განსაკუთრებით მძიმე დანაშაულები ჩაიდინა, ასევე კრიმინალური ავტორიტეტები... ახალი წესებით, პაემნებთან დაშვებულთა წრე ფართოვდება: ახლა უკვე ოჯახის წევრების გარდა პატიმრებთან ურთიერთობას ახლობლებიც შეძლებენ“, - განაცხადა იურიდიული კომიტეტის წევრმა ანდრო ალავიძემ, რომელიც კანონპროექტს წარადგენს.

ვიდეოპაემნების რაოდენობას პრობაციის, სასჯელის აღსრულებისა და იურიდიული დახმარების მინისტრი დაადგენს. ამავე უწყება მომსახურების საფასურს დააწესებს.