| ეკონომიკა: გილაური: 2012 წლის ბიუჯეტი დაბალანსებულია |  | ბიზნესი და ეკონომიკა | |
 2012 წლის ბიუჯეტი დაბალანსებული და ჯანსაღია. ამის შესახებ დღეს, 14 დეკემბერს, სამთავრობო სხდომაზე განაცხადა საქართველოს პრემიერ-მინისტრმა ნიკა გილაურმა. ამის შესახებ ნათქვამია 2012 წლის პრიორიტეტებში.მომავალი წლის ბიუჯეტი 8 მილიარდ 40 მილიონ ლარს შეადგენს, რაც, პრემიერის თქმით, 2003 წლის ბიუჯეტზე 10-ჯერ უფრო მეტია. მათგან ხარჯების ნაწილი 7 მილიარდ 940 მილიონ ლარს შეადგენს. ბიუჯეტის დეფიციტი 3.5 პროცენტის ოდენობით არის დადგენილი, რაც, გილაურის თქმით, დაბალი მაჩვენებელია და მთავრობების მიზანი მოცემული მაჩვენებლის 3-ზე ნაკლებ პროცენტამდე დაყვანაა. როგორც პრემიერმა აღნიშნა, 2012 წლის ბიუჯეტში მშპ-ის 5-პროცენტია გაწერილი. მისი თქმით, პრიორიტეტი სამი მიმართულება იქნება: სოციალური პროგრამები, ჯანდაცვა და განათლება და აღნიშნული მიმართულებების დაფინანსება გაიზრდება. გილაური საპენსიო პაკეტის ზრდას შეეხო და აღნიშნა, რომ სადაზღვევო ვაუჩერები 1 სექტემბრიდან დარიგდება და მათ ყველა პენსიონერი და 5 წლამდე ბავშვი მიიღებს. ცვლილებები სოფლის მეურნეობის დაფინანსებაშიც არის და იზრდება ინფრასტრუქტურული პროექტების დაფინანსება. როგორც პრემიერმა განაცხადა, გაისად საგზაო და წყლის ინფრასტრუქტურაზე, ენერგეტიკაზე 1 მილიარდი ლარი დაიხარჯება. გილაურმა მინისტრებს დავალება მისცა, რომელიც 2 კვირის განმავლობაში საკუთარ უწყებებში 2012 წლის ბიუჯეტის პრეზენტაციის მოწყობას გულისხმობს. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_4152.html
| |||
| განათავსა - Drakula | 15 დეკ. 2011, 19:29 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.07 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.