ვარშავიდან საქართველოს საპარლამენტო დელეგაცია დაბრუნდა, რომელიც ნატოს საპარლამენტო ასამბლეის სესიაზე იმყოფებოდა. დეპუტატები დიდად აფასებენ ასამბლეის მიერ მიღებულ რეზოლუციას საქართველოს ტერიტორიების ეთნიკური წმენდისა და ოკუპაციის ოფიციალური აღიარებით.

ამ დოკუმენტში რუსეთს მოუწოდებენ შეასრულოს ცეცხლის შეწყვეტის შეთანხმება და ოკუპირებული რეგიონებიდან ჯარები გამოიყვანოს. ამას გარდა, ასამბლეამ მოსკოვს, სოხუმსა და ცხინვალს ლტოლვილთა საკუთარ სახლებში უსაფრთხო და ღირსებული დაბრუნების უზრუნველყოფისაკენ მოუწოდა.