| სოფელ ვაზისუბანში X-XI საუკუნეების სანაგირის ორსართულიანი ეკლესია ჩამოინგრა |  | საქართველოს ამბები | |
|
გურჯაანის რაიონის სოფელ ვაზისუბანში სანაგირის სამონასტრო კომპლექსის ნაწილი ჩამოინგრა. სამონასტრო კომპლექსი უკიდურესად დაზიანებულია. სპეციალისტების განმარტებით, პრევენციული სამუშაოები სასწრაფოდ თუ არ ჩატარდა, შესაძლოა, მისი გადარჩენა ვეღარ მოხერხდეს. კომპლექსში შემავალი რამდენიმე ნაგებობა უკვე მიწასთან არის გასწორებული სანაგირის სამონასტრო კომპლექსი X-XI საუკუნეებშია აგებული და 7 წმინდანის სახელობისაა. სოფელ ვაზისუბნის მაცხოვრებლების თქმით, ძირითადი ტაძარი, რომელიც ორსართულიანია, ვახტანგ გორგასალის მიერ აგებულ ყოვლადწიდა ღვთისმშობლის სახელობის ეკლესიაზეა დაშენებული. მას სამხრეთით მიშენებული აქვს დიდმოწამე ბარბარეს სახელობის ეკლესია, რომელზეც ამბობენ, რომ სასწაულმოქმედი ძალა აქვს და იქ მიყვანილი ავადმყოფი ბავშვები განკურნებულები მიდიან. ისტორიკოსისა და არქეოლოგის გიორგი რჩეულიშვილის თქმით, ტაძარი ქართული არქიტექტურის უმნიშვნელოვანესი ნაგებობაა. „ტაძარი დიდი ხანია დაზიანებულია. შიგ წვიმა ჩადის და ძალიან სავალალო მდგომარეობაშია", - აღნიშნავს გიორგი რჩეულიშვილი. სოფელ ვაზისუბნის გამგებლის მალხაზ სოლომნიშვილის განცხადებით, ტაძართან მისასვლელი გზა დაზიანებულია და სანამ გზის რეაბილიტაცია არ მოხდება, ეკლესია ვერ შეკეთდება. „რამდენიმე დღის წინ, ძეგლთა დაცვის სააგენტოდან სპეციალისტები იყვნენ ჩამოსულები. ეკლესიასთან მისასვლელი გზა დაათვალიერეს და ივარაუდეს, რომ გზის რეაბილიტაციას 600 000 ლარი სჭირდება", - აღნიშნა გამგებელმა. სანაგირის სამონასტრო კომპლექსი სოფლიდან 6 კილომეტრით არის დაშორებული. წყარო - GHN
გაუზიარე სხვებს:https://www.aspurcela.ge/asp-News_-_file_-_article_-_sid_-_290.html
| |||
| განათავსა - Legatuss | 12 ნოემ. 2010, 16:33 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.15 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.