| ეკონომიკა: აზიის განვითარების ბანკი საქართველოს 300 მილიონ დოლარს გამოუყოფს |  | ბიზნესი და ეკონომიკა | |
 აზიის განვითარებია ბანკმა საქართველოს 300 მილიონი დოლარის ოდენობის კრედიტი დაუმტკიცა. თანხა მდგრადი ურბანისტული ტრანსპორტის საინვესტიციო პროგრამების ფარგლებშია გამოყოფილი და დედაქალაქსა და საქართველოს სხვა მსხვილ ქალაქებში პრიორიტეტული სატრანსპორტო პროექტების განხორციელებას მოხმარდება. პროექტების პრეზენტაცია სასტუმრო „რედისონში“ გაიმართება, რომელშიც მონაწილეობას მიიღებს თბილისის მერი გიგი უგულავა და შეკრებილებს მიმართავს.მერიის ინფორმაციით, დედაქალაქში პრიორიტეტული სატრანსპორტო პროექტების არჩევა ქალაქის ტრანსპორტის განვითარების გეგმის შესაბამისად ხორციელდება, რომლის 2010-2011 წლებში შემუშავება აზიის განვითარების ბანკის გრანტით დაფინანსდა. გეგმის მიზანია ყველა იმ ფაქტორის გამოვლენა, რომლებიც არსებითად უშლის ხელს ტრანსპორტის განვითარებას და შესაბამისი სატრანსპორტო გადაწყვეტილებების შემუშავება. თბილისის სატრანსპორტო გეგმის ფარგლებში დღემდე 30-მდე პროექტი შემუშავდა, რომლებიც მიზნად ისახავს საგზაო ქსელისა და მოძრაობის მართვის გაუმჯობესებას, სატრანსპორტო ინფრასტრუქტურის განვითარებასა და მოსახლეობისათვის გაუმჯობესებული სერვისის შემოთავაზებას. აზიის განვითარების ბანკსა და თბილისის მერიას შორის აქტიური კონსულტაციების შედეგად განისაზღვრა ჩამონათვალი იმ პროექტებისა, რომლებიც საინვესტიციო პროგრამის ფარგლებში დაფინანსდება. ესენი გახლავთ გორგასლის გვირაბი, მეტროს სადგურ „უნივერსიტეტის“ დასრულება, თბილისი-რუსთავის ტრასის მოდერნიზაცია და საავტომობილო ხიდი მტკვარზე, რომელიც „ვეფხისტყაოსნის“ ძეგლის ტერიტორიას დიდუბესთან დააკავშირებს. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_2673.html
| |||
| განათავსა - Drakula | 24 ივნ. 2011, 01:01 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.13 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.