კენიის სასამართლომ დაადგინა, რომ სახელმწიფოს არ შეუძლია ქვეყნის ტერიტორიის გარეთ თავდასხმის განმახორციელებელი სომალიელი მეკობრეების გასამართლება.

„კენიელმა მოსამართლემ შეაჩერა პროცესი ცხრა სომალიელზე, რომლებსაც ადანაშაულებენ ადენის ყურეში ხომალდზე თავდასხმაში, რომელიც გერმანიის დროშით მიცურავდა“, - გადმოსცემს BBC.

მეკობრეობაში ეჭვიმატნილი 100-ზე მეტი ადამიანი სასამართლოს ელოდებიან კენიაში - ორიდან ერთ-ერთ ქვეყანაში, რომელშიც სამხედრო-საზღვაო ფლოტს სავარაუდო მეკობრეების გადაცემა შეუძლია.

საზღვაო ყაჩაღების სისხლის სამართლის დევნის თვალსაზრისით კენია სომალის შემდეგ მეორე ადგილს იკავებს. ქვეყანაში უკვე 50 მეკობრეა გასამართლებული. საერთო ჯამში კი 700-ზე მეტი ადამიანი, რომლებიც სომალის ნაპირებთან საზღვაო ყაჩაღობაში გასამართლებულნი ან ეჭვმიტანილნი არიან, მსოფლიოს 12 ქვეყანაში პატიმრობის ადგილებში იმყოფებიან.

როგორც ექსპერტები აღნიშნავენ, დღესდღეობით მსოფლიოში საზღვაო მეკობრეეთა სასამართლო დევნისათვის სპეციალური საერთაშორისო ტრიბუნალი არ არსებობს.

ამჟამად გაეროში მიმდინარეობს საზღვაო ყაჩაღების იურიდიულ დევნასთან დაკავშირებული ღონისძიებების შემუშავება. ამგვარად, ოქტომბრის დასასრულს უკრაინამ განსახილველად შეიტანა მეკობრეობასთან ბრძოლის საერთაშორისო კონვენციის პროექტი, რომელიც ითვალისწინებს სპეციალური საერთაშორისო სასამართლოს დაწესებას იმ საქმეთა განსახილველად, რომლებიც საზღვაო ყაჩაღობას უკავშირდება. ამის შესახებ ადრე „РИА Новости“ იტყობინებოდა.

შეგახსენებთ, რომ 2010 წლის პირველი ცხრა თვის განმავლობაში სომალიელმა მეკობრეებმა 37 სამოქალაქო გემი მიიტაცეს. 2010 წლის 11 ოქტომბრის მდგომარეობით, სომალიელ მეკობრეებს ტყვედ 389 მეზღვაური და 18 გემი ჰყავდათ.