ქართულ ეკონომიკას არ წარმოექმნება სერიოზული პრობლემები საქართველოს საერთაშორისო საზოგადოების მიერ 2008 წელს რუსულ-ქართული სამხედრო კონფლიქტის შემდეგ ეკონომიკის აღსადგენად გამოყოფილი სახსრების გამოყენების შემდეგ. ამის შესახებ თბილისში ბრიფინგზე საქართველოში საერთაშორისო სავალუტო ფონდის (სსფ) მუდმივმა წარმომადგენელმა დევიდ გარდნერმა განაცხადა.

დონორთა და საერთაშორისო ფინანსური ორგანიზაციების დახმარება 4.5 მლრდ დოლარის ოდენობით 2011 წლის ბოლომდეა გათვლილი.

„ეს პაკეტი უცებ არ გაქრება. მსოფლიო ბანკის, აზიის განვითარების ბანკის ხაზით ფინანსური დახმარება გაგრძელდება, არსებობს ასევე ორმხრივი შეთანხმებებიც“, - აღნიშნა სსფ-ის მუდმივმა წარმომადგენელმა.

მოცემულ მომენტში სსფ საქართველოს 2008 წელს დაწყებული სამწლიანი პროგრამის ფარგლებში დაახლოებით 1.2 მლრდ დოლარის ოდენობით კრედიტებს გადასცემს. „სსფ საქართველოს მთავრობასთან ნაკლები თანხის ახალ პროგრამას განიხილავს“, - აღნიშნა გარდნერმა.