სოფლებისათვის დახმარების პროგრამის ფარგლებში, კახეთის 8 რაიონს 5 030 564 ლარი გამოუყვეს. ამის შესახებ კახეთის საინფორმაციო ცენტრს გუბერნატორის პირველმა მოადგილემ გიორგი სიბაშვილმა შეატყობინა. მისი თქმით, პროგრამის მიზანია სოფლებში არსებული პრობლემების გადაჭრა.

ახმეტის მუნიპალიტეტისათვის გამოყოფილია 574 267 ლარი, თელავისთვის - 665 796, ყვარელისთვის - 433 828, ლაგოდეხისთვის - 883 574, გურჯაანისთვის - 837 208, სიღნაღისთვის - 529 539, საგარეჯოსთვის - 750 600 და დედოფლისწყაროსთვის - 355 752 ლარი.

პრიორიტეტების განსაზღვრისთვის მუნიციპალიტეტთა ხელმძღვანელებმა დაიწყეს გამოსასვლელი შეხვედრები სოფლების მაცხოვრებლებთან. გუბერნატორის ადმინისტრაციის ინფორმაციით, მოსახლეობა პრიორიტეტად წყალმომარაგების სისტემას, სკოლების, გზების, ხიდებისა და გზების განათების რეაბილიტაციას ასახელებს.