რიგით მესამე გაფორმების ეკონომიკური ზონა 11 თებერვალს ფოთში გაიხსნება. ამის შესახებ ფინანსთა მინისტრმა კახა ბაინდურაშვილმა ბათუმში ბიზნესმენებთან შეხვედრაზე განაცხადა.

პირველი მსგავსი გეზ საქართველოს პრეზიდენტმა თბილისის მახლობლად, ლილოში საბაჟო ზონაში გახსნა. 24 იანვარს ასეთივე ზონა, რომელიც ექსპორტიორთა და იმპორტიორთა მომსახურებას ამარტივებს, ადლიის (აჭარა) საბაჟო პუნქტზე გაიხსნა.

გეზ საქართველოს ხელისუფლებათა ახალი ეკონომიკური კურსის ნაწილია. იგი ათავისუფლებს იმპორტიორებსა და ექსპორტიორებს ბროკერების, დეკლარანეტებისა და სხვა შუამავლების ძვირადღირებული მომსახურებებისაგან ქვეყანაში შემოსატანი ტვირთის გაფორმების დროს.

ამასთან, ტვირთის გაფორმების საფასურის გადახდა ხუთ დღეზეა გაწელილი და დაახლოებით 250 ლარს შეადგენს, რაც მანამდე არსებულ ხარჯებზე სამჯერ, ოთხჯერ უფრო ნაკლებია.