თემურ ჭყონიას სასტუმრო „Georgia Palace Hotel“-ს უახლოეს მომავალში კონკურენტი გამოუნჩდება. ქობულეთში ახალი 5-ვარსკვლავიანი სასტუმროს მშენებლობა იწყება.

ობიექტს საზღვარგარეთ მცხოვრები ქართველი ბიზნესმენი როსტომ კურტანიძე ააშენებს, რომელმაც ქობულეთში, აღმაშენებლის პროსპექტზე მდებარე არასასოფლო-სამეურნეო დანიშნულების მიწის ნაკვეთი შეიძინა.

ფასმა 1 მლნ 652 ათასი ლარი შეადგინა. აუქციონის პირობების თანახმად, ინვესტორი ვალდებულია 2014 წლის 1 თებერვლამდე ააშენოს 5 ვარსკვლავიანი სასტუმრო კომპლექსი, რომელიც, სულ ცოტა, 150 ნომერზე იქნება გათვლილი.

ასევე კომპლექსში განთავსებული იქნება რესტორანი, საბანკეტო დარბაზი და კაზინო. ობიექტზე დასაქმებულთა 90% საქართველოს მოქალაქენი უნდა იყვნენ.