თბილისის სპორტის სასახლეში დასრულდა ძიუდოს მსოფლიო თასის მორიგი ეტაპი, რომელშიც მონაწილეობას იღებდა 26 ქვეყნის დაახლოებით 200 სპორტსმენი.

საქართველოს ნაკრებმა ტურნირზე ოთხი მედალი მოიპოვა: ორი ოქროსი, ერთი ვერცხლისა და ერთი ბრინჯაოსი.

„ოქრო“ წილად ხვლდა ამბაკო ავალიანსა (73 კგ) და ავთანდილ ჭრიკიშვილს (81 კგ). ვერცხლის პრიზიორი დავით კარბელაშვილი (81 კგ) გახდა. ბრინჯაოს მედლის მფლობელი კი ზვიან ხანჯალიაშვილმა (+105 კგ) მოიპოვა.

მსოფლიო თასის მორიგი ეტაპი 5-6 თებერვალს პარიზში გაიმართება. საქართველოს ნაკრები საფრანგეთში ოპტიმალური შემადგენლობით გაემგზავრება.