მაისში ფრანგული მუსიკალური არხის - „MEZZO“-ს ეთერში სამი თაობის ქართველი პიანისტები დაუკრავენ. ამის შესახებ სამთავრობო სხდომის დასრულებისთანავე საქართველოს კულტურისა და ძეგლთა დაცვის მინისტრმა ნიკოლოზ რურუამ განაცხადა.

მისი თქმით, ეს პიანისტები არიან ელისო ბოლქვაძე, ანა ყიფიანი და ნინო გვეტაძე.

მინისტრის სიტყვებით, ისინი დაუკრავენ კონცერტზე სახელწოდებით „სამი როიალის წინაშე“, სადაც ქართველ კომპოზიტორთა ნაწარმოებები შესრულდება.

„“MEZZO“-ს მრავალრიცხოვანი მაყურებლები ჰყავს. წლის განმავლობაში კონცერტი დაახლოებით 30-40-ჯერ ტრანსლირდება, რაც კარგი შანსია ჩვენი მუსიკოსებისათვის, ხოლო მსოფლიოს შესაძლებლობა ექნება, საქართველო ახალი კუთხით გაიცნოს“, - აღნიშნა რურუამ.