2011 წლის 1 იანვრის მდგომარეობით, ქართული საბანკო სექტორი 19 კომერციული ბანკით იყო წარმოდგენილი, მათ შორის 14 - საწესდებო კაპიტალში უცხოური კაპიტალის მონაწილეობით და უცხოური ბანკის ორი ფილიალი.

დეკემბერში, წინა თვესთან შედარებით, კომერციული ბანკების საერთო აქტივები (მიმდინარე ფასებში) 419.1 მლნ ლარით , ან 4.1%-ით გაიზარდა და 10564.2 ლარი შეადგინა. საბანკო სექტორის საკუთარმა საშუალებებმა 1787.6 მლნ ლარი შეადგინა, რაც კომერციული ბანკების საერთო აქტივების 16.9%-ს შეადგენს.

ბანკების საერთო განაღდებულ საწესდებო კაპიტალში უცხოური კაპიტალის მონაწილეობა 80.7%-ს შეადგენს.

2010 წელი საბანკო სექტორმა მოგებით დაასრულა. წლის დასაწყისიდან მოგებამ 156.3 მლნ ლარი შეადგინა.

წინა თვესთან შედარებით საბანკო სექტორის საერთო აქტივებში ხუთი უმსხვილესი ბანკის აქტივთა წილი 1.0%-ით გაიზარდა და 78.1% შეადგინა.